Txikipedia:Odoakro

Odoakro, Erromatar Inperioaren amaiera

Aspaldi-aspaldian, Odoakro izeneko gizon bat bizi zen. Erdi hunoa eta erdi germaniarra zen, eta bere herriko buruzagia zen.

Odoakro famatua da gauza handi bat egin zuelako: azken erromatar enperadorea, Romulo Augustulo, tronutik kendu zuen, hau da, enperadore izateari utzi zion. Horrela, Mendebaldeko Erromatar Inperioa bukatu zen, 476. urtean.

Odoakrok ez zuen enperadore berri bat jarri. Horren ordez, Ekialdeko Erromatar Inperioko enperadorearekin, Zenon izenekoarekin, adiskidetu zen. Zenonek Odoakro “Italiako buruzagi nagusi” egin zuen, eta biak elkar ondo eramaten saiatu ziren.

Denborak aurrera egin ahala, Odoakro Italiako errege bezala ezaguna izan zen. Baina gero, arazoak hasi ziren. Zenonek beste gizon bati lagundu zion: Teodoriko Handia izeneko ostrogodoen buruzagiari.

Teodorikok eta bere armadak Odoakroren erresuma erasotu zuten. Denbora askoren borroka izan zen, eta azkenik, 493. urtean, Odoakrok amore eman zuen. Baina oturuntza batean, Teodorikok Odoakro hil zuen eta haren erresuma hartu zuen.

Horrela, Odoakroren garaia bukatu eta Teodoriko Handiaren garaia hasi zen Italian.