Tower Bridge
Tower Bridge Londresen erdialdean dagoen zubi bat da. Oinezkoek eta ibilgailuek Tamesis ibaia zeharkatu ahal izateko eta itsasontziei pasatzen uzteko eraiki zen.[1] Horace Jones eta George D. Stevenson izan ziren arkitektoak.
Diseinua
[aldatu | aldatu iturburu kodea]Tower Bridgek 244 m-ko luzera eta 65 m-ko altuera du. Zubia eraikitzeko, garai hartako 1.184.000 £ (British Pound, Britaniar dirua) gastatu ziren, hau da, gaur egungo ia 200 milioi €. Zubiak estilo neogotikoa du, historian oinarritutako estiloa. Materialei dagokionez, altzairuz, granitoz eta hormigoiz eraikita dago.
Eraikitzeko prozesua
[aldatu | aldatu iturburu kodea]XIX. mendean, zubi berri bat eraikitzea erabaki zen, baina Pool of London deritzan eremuraino sartzen ziren itsasontziei ezin zitzaien pasabidea itxi. Horregatik, zubiaren diseinua erabakitzeko lehiaketa bat egin zuten: 50 diseinu baino gehiago aurkeztu ziren, eta azkenean, Horace Jones arkitektoarena aukeratu zen.
1886an hasi zen eraikitzen. Bost eraikuntza-enpresek hartu zuten parte, eta 432 langile kontratatu zituzten. Jones urte horretan bertan hil zen, eta proiektuaren gidaritza George D. Stevensonek hartu zuen. Azkenean, 1894an bukatu zuten, eta urte horretan bertan hasi zen erabiltzen.[2]
Erreferentziak
[aldatu | aldatu iturburu kodea]- ↑ (Gaztelaniaz) «Descubre la historia del Tower Bridge de Londres» www.london-tickets.co.uk (kontsulta data: 2025-01-31).
- ↑ Tower Bridge. 2024-08-30 (kontsulta data: 2025-01-31).