Txikipedia:Zeelanda Berria

Zeelanda Berria Ozeanian dagoen herrialde bat da. Wellington da bertako hiriburua. Hiri handiena Auckland da.

Ba al dakizu

Munduaren bola batean begiratzen baduzu, gutxi gorabehera Zeelanda Berria Euskal Herriaren kontrako puntan dagoela ikusi ahal izango duzu. Hau da, marra zuzen bat egin ahalko balitz Euskal Herritik, munduaren barruko erdi-erditik pasatuz, herrialde honetara iritziko litzateke.

Datuak[aldatu | aldatu iturburu kodea]

Zeelanda Berriak 268.021 km² ditu azaleraz eta 5 milioi pertsona bizi dira bertan. Populazioaren %53a lau hiri handienetan bizi da.

Hiri handienak honako hauek dira:

Auckland (1.534.700 biztanle)
Wellington (412.500 biztanle) - hiriburua
Christchurch (396.700 biztanle)
Hamilton (235.900 biztanle)

Zeelanda Berriko jatorrizko biztanleak Maoriak dira.

Geografia[aldatu | aldatu iturburu kodea]

Zeelanda Berriak bi uharte handi ditu; iparraldekoa eta hegoaldekoa. Wellington hiriburua bi uharteen arteko Cook itsasartean dago kokaturik. Oso menditsua da, batez ere hegoaldeko uhartea. 3.000 metrotatik gorako altuera duten 18 mendi daude hegoaldeko uhartean.

Oso paisaia polita du. Hainbat filme grabatu dira Zeelanda Berrian, adibidez Avatar, Eraztunen Jauna, Hobbita, Narniako kronikak eta King Kong.

Animalia bereziak[aldatu | aldatu iturburu kodea]

Australian animalia berezi ugari daude, adibidez kiwia.

Kirolak[aldatu | aldatu iturburu kodea]

Britainiarrek ekarritako kirolak dira jarraitzaile gehien dituztenak. Errugbi selekzioa munduko onena da eta bere haka dantza oso ezaguna da. Beltzez jantzita doazenez, All blacks izenarekin ezagutzen dira.

Irudiak[aldatu | aldatu iturburu kodea]

Auckland.
Wellington.
Aoraki mendia.
Gunn aintzira.
Aintzira esmeraldak.
Eraztunen Jauna filmeko Hobbiton herrixka.
Kiwia.
Errugbi selekzioa haka dantzatzen.