Upile Chisala
| Upile Chisala | |
|---|---|
| Bizitza | |
| Jaiotza | 1994 (31/32 urte) |
| Herrialdea |  Malawi |
| Bizilekua | Blantyre Oxford |
| Hezkuntza | |
| Heziketa | Oxfordeko Unibertsitatea New Mexico State University (en)  |
| Jarduerak | |
| Jarduerak | olerkaria |
| Jasotako sariak | ikusi
|
  | |
Upile Chisala (1994) malawiar poeta eta ipuin-kontalaria da, herrialde horretako idazleen hirugarren belaunaldikoa.[1] Askotan instapoetatzat hartzen da.[2] Hainbat sari irabazi ditu, besteak beste, Forbes Africa aldizkariaren 30 Under 30.[3]
Bizitza
[aldatu | aldatu iturburu kodea]Chisala Malawiko hego-ekialdean jaio zen 1994an[4], eta Zomban hazi zen.[3] Hamahiru urterekin hasi zen poesia idazten.[4]
Hamazazpi urte zituela, Estatu Batuetara joan zen bizitzera, eta han soziologia ikasi zuen Emakumeen Ikasketetan eta Zuzenbide eta Gizartean espezializatuta, Mexiko Berria Estatuko Unibertsitatean.[4][5] Unibertsitatean poesia idatzi zuen arrazismoarekin izandako esperientziak prozesatzeko.[5] 2015ean lizentziatu zen, baina lanpostu egonkor bat aurkitzeko arazoak izan zituen. Idazten jarraitu zuen, eta bere lehen poesia bilduma, soft magic, unibertsitatean idatzitako poemak biltzen dituena, bere kabuz argitaratu zuen.[4][5]
Ondoren, Afrikako ikasketetako masterra egin zuen Oxfordeko Unibertsitatean[3] eta Johannesburgera (Hegoafrika) joan zen bizitzera.[4][6][7] Han idazleentzako tutoretza programa bat sortu du, Khala Series izenekoa.[3]
2017an, Chisalak bere bigarren bilduma argitaratu zuen, nectar, depresioarekin eta gurasoekin izandako harreman konplexuarekin izandako esperientzia islatzen duena.[4][3] Liburuak arrakasta lortu ondoren, kontratu bat sinatu zuen Andrews McMeel Publishing argitaletxearekin.[3] Argitaletxe horrek bere lehen bi liburuak berrargitaratu zituen.[7] Chisalaren hirugarren bildumak a fire like you du izena.[4]
Sariak
[aldatu | aldatu iturburu kodea]- 2018: OkayAfrica hedabide plataformaren 100 Women saria[8]
- 2019: Forbes Africa aldizkariaren 30 Under 30 saria[3]
Lanak
[aldatu | aldatu iturburu kodea]- soft magic (2015)
- nectar (2017)
- a fire like you (2020)
Erreferentziak
[aldatu | aldatu iturburu kodea]- ↑ (Ingelesez) Lipenga, Ken Junior. «"Maybe We Carry Our Mothers' Traumas in Our Bones": Exploring the Paradox of Matrophobia in Upile Chisala's Poetry» Women's Studies 51 (5): 560-574. ISSN 0049-7878. (kontsulta data: 2025-10-04).
- ↑ (Ingelesez) Lipenga, Ken Junior; Mtenje, Asante Lucy. (2023). «Black Women and Self-Care: A Black Feminist Reading of Upile Chisala's Poetry» Tulsa Studies in Women's Literature 42 (2): 343-360. ISSN 1936-1645. (kontsulta data: 2025-10-04).
- ↑ a b c d e f g (Ingelesez) Mwendera, Karen. «#30Under30: Creatives Category 2019» Forbes 2019-07-01 (kontsulta data: 2025-10-04).
- ↑ a b c d e f g (Ingelesez) Hawksley, Rupert. «How Upile Chisala became a voice for young, black women around the world» The National 2019-11-05 (kontsulta data: 2025-10-04).
- ↑ a b c (Ingelesez) Boqo, Bella. «"Let Black Girls Be": The (Insta)poetry of Upile Chisala and its resistance to coloniality of being» European Journal of English Studies 27 (1): 81-100. ISSN 1382-5577. (kontsulta data: 2025-10-04).
- ↑ (Ingelesez) Strauss, Fallon Alicia. «Shaping worldviews: An analysis of post-secular feminist poetry of the diaspora» Ounongo Repository 2019-10-31 (kontsulta data: 2025-10-04).
- ↑ a b (Ingelesez) «Poet Upile Chisala charms U.S. fans» Andrews McMeel Universal 2019-08-22 (kontsulta data: 2025-10-04).
- ↑ (Ingelesez) Samanga, Rufaro. «Join Upile Chisala For Soothing Readings of Her Latest Works» OkayAfrica 2020-04-07 (kontsulta data: 2025-10-04).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q54975478