Urdazubiko monasterioa

Wikipedia, Entziklopedia askea
Jump to navigation Jump to search
Urdazubiko monasterioa
Urdazubi-05-03-20.JPG
Urdazubiko monasterioaren irudia.
Kokapena
kokapenmapa
Helbidea Herrigunea
31711
Koordenatuak 43° 15′ 58″ N, 1° 30′ 11″ W / 43.26617222°N,1.50319444°W / 43.26617222; -1.50319444Koordenatuak: 43° 15′ 58″ N, 1° 30′ 11″ W / 43.26617222°N,1.50319444°W / 43.26617222; -1.50319444
Arkitektura

Urdazubiko monasterioa edota San Salbatore monasterioa Nafarroako Urdazubi udalerrian dagoen monasterio bat da. Gaur egungo eraikinak errenazentista estiloa du.

Bertatik Baztango Done Jakue bidea igarotzen da.

Kokalekua[aldatu | aldatu iturburu kodea]

Herrigunean dago, Ugarana ibaiaren gainean.

Historia[aldatu | aldatu iturburu kodea]

Jatorriaren data zehazterik ez badago ere, batzuen arabera XI. mendearen hasieran Antso III.a Gartzez Nagusia erregeak sortu omen zuen, bertan agustindarren kongregazio txiki batek erromesentzako ospitale bat eraiki zutelarik. Beste batzuen arabera, bere sorrera IX. mendean Antso II.a Gartzez Abarka erregearen eskutik legoke, horretarako presbiterioan dagoen Comes Sanctius M idazkian oinarrituz.

XII. eta XIII. mendeen artean ordena premontretarra bizi izan zen bertan, baina Erdi Arotik ez da deus ere gorde. Une gorena XVI. eta XVIII. mendeen artean izan zuen; garai hartakoak dira, hain zuzen ere, harri arrosak -Baztango harriaren eta harekin eraikitako eraikinen usadiozko kolorea- dituzten eraikinak.

Bi sute handi izan ziren monasterioan: bata, 1526an, Nafarroa Erresumaren konkistan herrialdeak bere independentzia galdu zuenean, eta bestea, 1793an, Frantziako Konbentzio Gerran zehar, armada Frantziar Armadak eremua inbaditu eta monasterioa eta Urdazubi bera ere erre zituenean. Azken sute horretan, monasterioko liburutegia suntsitu egin zuten, 9.000 liburutik gora biltzen zuena. Hori gertatu eta gero, 1806ean fraideek Gipuzkoako Loiolako Santutegian bilatu behar izan zuten.

Geroxeago, 1839an, Mendizabalen Desamortizazioa gertatu zen. Ordena premontretarrak behin betiko utzi zuen abadetxea, eta bertako tenplua parrokia-eliza bihurtu zen.

Garai bateko monasterioaren eliza eta klaustroa gorde dira. Barnealdean pintura eta eskultura garaikidearen bilduma iraunkor bat dago. Klaustroaren gainean monasterioaren museoa dago; han, ikus-entzunezko eta erakusketa-panelen bidez Urdazubiko historia erakusten da, baita Donejakue Bidearekin duen lotura eta monasterio gisa izandako iragana ere.

Kanpo loturak[aldatu | aldatu iturburu kodea]