Uribarri (Bilboko auzoa)

Uribarri
	Euskal Herria
Kokapena
Herrialdea	Bizkaia
Udalerria	Uribarri
Geografia
Koordenatuak	43°16′01″N 2°55′17″W / 43.26694°N 2.92139°W
Azalera	0,32 km²
Demografia
Biztanleria	12.897 (2023)
Dentsitatea	40.303 bizt/km²

Artikulu hau Bilboko auzoari buruzkoa da; beste esanahietarako, ikus «Uribarri (argipena)».

Uribarri Bilboko auzoa da. 32,43 hektarea eta 14.048 biztanle dauzka. Izen bereko barrutian kokaturik dago, bigarren barrutian alegia. Auzoak barrutiari izena ematen dio.

Matiko eta Zurbaraneko auzoan artean kokatzen da, hiriaren eta Bilboko itsasadarraren ekialdean.^[1]

Malda horiek, irisgarritasun arazoak sortzen dituzte mugikortasun gutxiko pertsonentzat gehienbat. Horretarako, udalak espaloiak hobetu eta eskailera mekanikoak ezarri zituen auzoko Kristo kalean. Eskailera horiek bi tarte dauzkate eta 200 metroko luzera.

Begoñako Errepublikaren mapa topografikoa (1925)

Irisgarritasuna

Bilboko auzo askotan bezala, auzoaren ezaugarri nagusia maldak dira. Mendebaldetik ekialderanzko norabidean, maldan gora doa auzoaren profila. Malda horiek irisgarritasun arazoak sortzen dituzte, mugikortasun gutxiko pertsonentzat gehienbat.

Irisgarritasuna hobetzeko, udalak espaloiak hobetu eta hainbat azpiegitura jarri ditu azken urteetan:

Uribarri kalean dauden arrapala mekanikoak. Lau tarte dira, guztira 65 metroko luzera dutenak. Zoritxarrez, arrapalen matxurak ohikoak izaten dira, bandalismoa eta eguraldiaren eragina dela eta.
Trauko zeharkalean kokatutako eskailera mekanikoak. 6 tarte dira, Aralar kalea, Esnarritzaga kalea eta Uribarriko C zeharkalea lotzen dutenak.
Uribarriko C zeharkalea eta Maurice Ravel etorbidea lotzen duten bi igogailu, 7 metroko altuera igotzen dutenak.
Tutulu kalean kokatutako igogailua, 14,95 metroko altuera igotzen duena.

Garraio publikoa

Autobusa

Bilbobuseko hamalau lineek komunikatzen dute Uribarri Bilboko erdialdearekin eta Bilboko beste auzoekin. Linea horietatik hamaika autobus normalei dagozkie, bi mikrobusei eta bat gautxori bati.

Linea	Ibilbidea	Maiztasuna (min)
03	Plaza Biribila - Otxarkoaga	10´
13	San Inazio - Txurdinaga	12´
22	Sarrikue - Atxuri	15´ (12´ 12:30etatik 15:00etara)
26	Uribarri - Basurtu/Termibus]	15´
27	Arabella - Betolatza	15´
30	Txurdinaga - Miribilla	15´
38	Otxarkoaga - Basurtu/Termibus	15´
40	Santutxu - Plaza Biribila	12´
48	Santutxu - Basurtu/Ospitalea	15´
62	Basurtu/Termibus - Arabella	20´
72	Larraskitu - Castaños/Gazteleku	12´
A1	Jasokunde - Plaza Biribila	60´
A5	Prim - Plaza Biribila	30´
G2	Otxarkoaga - Plaza Biribila	30´

Trena

Euskotrenen Txorierriko linearen (Bilbo-Lezama) geltoki bat dago Uribarri auzoan.

Metroa

Etorkizunean, Bilboko metroaren hirugarren linearen geltoki bat egongo da, guztira lau sarbide izango ditu auzoaren lekurik garaienetan bizi diren biztanleen irisgarritasuna errazteko.