Valdespinako markesgoa

Wikipedia, Entziklopedia askea
Jump to navigation Jump to search
Orbe familiaren armarria
Valdespinako markesen jauregia eta lorategia, Ermua, egun bertako udaletxea dena

Valdespinako markesgoa lehendabizikoz 1736an Filipe V.ak Andrés Agustín Orbe Zarautzi emandako noblezia titulua da.

280 urtetan zehar titulua Orbe familian izan da. Markesen artean III.a, IV.a eta V.a, batez ere III.a zen Jose Maria Orbe, nabarmentzekoak dira, XIX. eta XX. mendeetan zehar karlismoren buruzagiak zirenak.

Historia[aldatu | aldatu iturburu kodea]

Orbe familia Bergarako Angiozar auzokoa da. XVII. mendean Ermuara joan zen, justu Andrés Agustín Orbe Larreategi jaio baino belaunaldi bat aurrerago.

Andrés Orbe Larreategi XVIII. mendearen lehen herenean eragin handiko pertsona izan zen. Apaiza, 1720an Bartzelonako apezpiku eta 1725ean Valentziako artzapezpiku bilakatu zen. 1727 eta 1733 artean Gaztelako biltzarraren gobernadorea eta 1733an inkisidore nagusia izan zen.

1733an honek bere iloba zen Andrés Agustín Orbe Filipe V.ak Valdespinako markes bilakatzea lortu zuen. Horrela artzapezpikuaren familiak honen ospea jarauntsi zuen.

Artzapezpikua Ermuan bere jaioterrian jauregia eraiki zuen, egun bertako udaletxea dena.

Markesen zerrenda[aldatu | aldatu iturburu kodea]

Izena Agintaldia
Filipe V.ak sortua
I.a Andrés Agustín Orbe Zarautz 1736-1754
II.a José Joaquín Orbe Murgia 1754-1819
III.a Jose Maria Orbe Elio 1819-1850
IV.a Juan Nepomuceno Orbe Mariaka 1850-1891
V.a Jose Maria Orbe Gaytán de Ayala 1891-1933
VI.a Ignacio Orbe Vivés de Camañas 1933-1969
VII.a Jose Maria Orbe Klingenberg egungoa