Valentina Zaguliaieva

Valentina Zaguliaieva
Bizitza
Jaiotza	Muvazhi, 1937ko irailaren 2a
Herrialdea	Sobietar Errepublika Sozialisten Batasuna ; Errusia
Heriotza	Izhevsk, 2025eko otsailaren 12a (87 urte)
Hezkuntza
Hizkuntzak	errusiera; udmurtera
Jarduerak
Jarduerak	aktorea eta abeslaria
Jasotako sariak	ikusi Honored Artist of the Russian Federation ; People's Artist of the Republic of Udmurtia ;

Valentina Aleksandrovna Zaguliaieva^[1] (errusieraz: Валентина Александровна Загуляева; Muvazhi, 1937ko irailaren 2a – Izhevsk, 2025eko otsailaren 12a) sobietar eta errusiar aktore eta abeslari udmurta izan zen.

Bizitza

Valentina Zaguliaieva 1937ko irailaren 2an jaio zen Udmurtiako Muvazhi herrian, nekazari familia batean. Bere aita Bigarren Mundu Gerran hil zen, eta Valentinak kolkhoz batean lan egin zuen txikitatik. Varzi-Jattxi herriko eskolan graduatu ondoren, Udmurtiako Institutu Pedagogikoan ikasteko asmoa zuen, baina ez zuen sartzeko azterketa gainditu eta lanbide eskola batean jarraitu zituen ikasketak. Aldi berean, Izhmax kultur etxeko antzerki talde afizionatuan aritu zen^[2].

1956an lanbide eskolan graduatu ondoren, Leningradeko Aleksandr Ostrovski Antzerki Institutuan ikasten hasi zen. 1961ean lizentziatuz, Udmurtiako Izhevsk hiriburura itzuli zen eta Udmurtiako Antzoki Dramatikoan hasi zen lanean^[3]^[2].

Zaguliaievaren ibilbide profesionalaren lehen hamarkada arrakastatsua izan zen, eta 1970ean Udmurtiako Errepublika Sobietar Sozialista Autonomoko Meritu Oneko Artista izendatu zuten. Hala ere, gaztetatik abeslari izatearekin amesten baitzuen, 1971ko irailean antzokian zuen lana utzi zuen eta eta Udmurtiako Irratiko Abesbatzan hasi zen kantuan, aldi berean Izhevskeko Musika Eskola Profesionalean ikasten ari zela^[2].

1984ko urtarrilean, antzerkira itzuli zen lanera. Arrakasta berdina izan zuen paper dramatikoetan, komikietan eta lirikoetan. 1985ean Pedora antzeztu zuen Лысву сямен уг тӧлӟы синкыли altzezlanean, eta Udmurtiako Kultura Sailak urteko antzezpen onena bezala aitortu zuen^[2]. 2015ean, Zaguliaievak antzerkian lan egiteari utzi zion osasun-arazoengatik.

Antzerki aktore izateaz gain, filmen udmurterazko bikoizketan parte hartu zuen^[4].

2025eko otsailaren 12an hil zen, 87 urte zituela^[5].

Sariak eta aintzatespenak

1970: Udmurtiako Sobietar Errepublika Sozialista Autonomoko Meritu Oneko Artista
1987: Udmurtiako Sobietar Errepublika Sozialista Autonomoko Herri Artista
1997: Errusiar Federazioko Meritu Oneko Artista^[3]^[4]

Lan hautatuak


Urtea	Antzezlana	Egilea	Pertsonaia	Hizkuntza
1961-1971	Striapukha	Anatoli Sofronov	Natalia	errusiera
	Тулыс зор	Jegor Zagrebin	Tonia	udmurtera
	Leningradski prospekt	Isidor Xtok	Vasia	errusiera
	Жингрес сӥзьыл	Ignati Gavrilov	Timofeievna	udmurtera
	Тӧдьы юсь	Jegor Zagrebin	Onis	udmurtera
	Na rassvete	Oskar Sandler	Petrik	errusiera
	Vassa Zheleznova	Maksim Gorki	Natalia
	Svetit, da ne greiet	Aleksandr Ostrovski	Olia
	Ой, чебер нылъёс	Stepan Xirobokov	Sonia	udmurtera
	Sinie dozhdi	Juri Petukhov	Serafima Ivanovna	errusiera
	Дуно салам	Lazar Perevostxikov	Marfa	udmurtera
1984-2015	Йыромем тури	Aleksei Dudarev	Maria
	Лысву сямен уг тӧлӟы синкыли	Anatoli Grigoriev	Pedora
	Атас Гири	Anatoli Grigoriev	Lukeria
	Вунэтэм шундыберган	Nikvlad Samsonov	Okylna
	Кезьыт ошмес	Ignati Gavrilov

Erreferentziak

↑ 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (kontsulta data: 2025-02-12).
↑ ^a ^b ^c ^d (Errusieraz) Христолюбова, Людмила. (2002). «Загуляева Валентина Александровна» Удмуртские женщины. XX век : (Биографический справочник). Ижевск: Удмуртский институт истории, языка и литературы УрО РАН, 233-235 or. ISBN 5-7691-1149-6. (kontsulta data: 2025-02-12).
↑ ^a ^b (Errusieraz) Туганаев, Виктор. (2008). «Загуляева Валентина Александровна» Удмуртская Республика : Энциклопедия. (2. argitaraldia) Ижевск: Издательство «Удмуртия», 324 or. ISBN 978-5-7659-0486-2. (kontsulta data: 2025-02-12).
↑ ^a ^b (Errusieraz) Загребин, Алексей. (2012). «Загуляева Валентина Александровна» Удмуртская Республика : Культура и искусство : Энциклопедия. Ижевск: Удмуртский институт истории, языка и литературы УрО РАН, 189 or. ISBN 978-5-901304-62-4..
↑ (Errusieraz) «Скорбная весть» Государственный Национальный театр Удмуртской Республики (Ижевск) 2025-02-12 (kontsulta data: 2025-02-12).

Kanpo estekak

Datuak: Q25686076

[1] 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (kontsulta data: 2025-02-12).

[:0-2] (Errusieraz) Христолюбова, Людмила. (2002). «Загуляева Валентина Александровна» Удмуртские женщины. XX век : (Биографический справочник). Ижевск: Удмуртский институт истории, языка и литературы УрО РАН, 233-235 or. ISBN 5-7691-1149-6. (kontsulta data: 2025-02-12).

[:1-3] (Errusieraz) Туганаев, Виктор. (2008). «Загуляева Валентина Александровна» Удмуртская Республика : Энциклопедия. (2. argitaraldia) Ижевск: Издательство «Удмуртия», 324 or. ISBN 978-5-7659-0486-2. (kontsulta data: 2025-02-12).

[:2-4] (Errusieraz) Загребин, Алексей. (2012). «Загуляева Валентина Александровна» Удмуртская Республика : Культура и искусство : Энциклопедия. Ижевск: Удмуртский институт истории, языка и литературы УрО РАН, 189 or. ISBN 978-5-901304-62-4..

[5] (Errusieraz) «Скорбная весть» Государственный Национальный театр Удмуртской Республики (Ижевск) 2025-02-12 (kontsulta data: 2025-02-12).

[1]

[2]

[3]

[4]

[5]