Vanessa-Mae

Wikipedia, Entziklopedia askea
Hona jauzi: nabigazioa, Bilatu
Vanessa-Mae
Vanessa Mae.jpg
Bizitza
Jaiotza Singapur1978ko urriaren 27a (39 urte)
Herrialdea  Thailandia
 Erresuma Batua
Jarduerak
Jarduerak biolin-jotzailea, eskiatzaile alpinoa eta musikaria
Genero artistikoa technoa
Musika instrumentua biolina
Diskoetxea Sony Music Entertainment
IMDb nm0535316
http://www.vanessa-mae.com

Vanessa-Mae Vanakorn Nicholson, Vanessa Mae bezala ezaguna (txinera tradizionalez: 陈美; pinyinez: Chén měi; Singapur, 1978ko urriaren 27a - ) musika klasikoa jotzen duen biolinista bat da. Famatua egin da hainbat motatako musika nahasten dituelako, hau da, pop, jazz, techno... eta beste hainbat musika, musika klasikoarekin konbinatzen ditu. Nazioarteko ospea eman zion pieza “The Violin Payer” izan zen. (1994)

Biografia[aldatu | aldatu iturburu kodea]

Lehenengo urteak[aldatu | aldatu iturburu kodea]

Bere ama abokatua eta pianista txinatarra da, Pamela Soei Luang Tan deitutakoa. Bere aita, hoteleko enpresari tailandarra da, Vorapong Vanakorn deitutakoa. Vanessa Mae Chen Mei Vanakorn izena zeukan jaiotze izen bezala.

Hasierak[aldatu | aldatu iturburu kodea]

Musika entzun zuen lehen aldia, pianoaz aparte, Singapurreko lorategi batean izan zen. Bere gurasoak dibortziatu eta gero, 4 urte zituenean bere amarekin eta senar berriarekin Londresera bizitzera joan zen.

Kensingtonen etxean egon zenean, Grahan Nicholson izeneko gizon batek Vanessa adoptatu zuen eta bere abizena eman zion. Jaio zenetik 5 urtetara, pianoa bakarrik jotzeko gai zen, baina bere aitaordeak biolin eta dantza klasiko klaseetara apuntatu zuen. Nicholson, abokatuaz aparte, biolinista ere bazen, eta bere alabak biolina jotzea nahi zuen. Horrela hasi egin zen Vanessak biolina jotzen, nahiz eta eskolan biolina jotzea joko bat bezala hartu.

Francis Holland eskolan ikasi zuen eta kontzertuetan eta operetan bere gurasoekin parte hartu zuen. Bere teknika hobetzeko gurasoek Txina Zentraleko Kontserbatoriora eraman zuten, eta Pekinen biolineko klaseak jaso zituen Sr. Lin Yao Ji. irakaslearekin.

Gainera, txinera mandarina ikasi zuen eta lan batzuk egin zituen Londreseko eskolarako. 10 urte zituenean, gurasoek oso garestia zen biolina bat erosi zioten Giuseppe Guadagnini italiar luthierrak fabrikatutakoa, 1761an.

Beste aldetik, bere lehen kontzertua bakarlari bezala Londreseko Filarmonika Orkestran izan zuen hamaika urte zituenenean, “Royal College of Musik”eko zuzendariak bere talentua ikusita, Vanessari Félix Andrievsky irakaslearekin klaseak ematea lortu zuen. 1991an, 12 urterekin, gira internazional bat hasi zuen “London Mozart Players”ekin, "Mozart Bicentennial Tour". Horretaz aparte, 3 grabaketak egin zituen: "Violin", "Kids Classics" eta "Tchaikovsky & Beethoven violin Concertos".

Bere amak Vanessa ordezkatu zuen (1999 urteraino) manager, produktorea, pianista laguntzaile eta aholkuari bezala.1992an, 14 urterekin, Royal College of Music-en amaitu zituen ikasketak eta bi urte geroago, 16 urterekin, EMI Music-arekin kontratu bat sinatu zuen musika klasikoa eta musika pop nahasita jotzeko.