Vasas SC

Vasas SC
Sorrera	1911
Futbol zelaia	Stadion Rudolf Illovszky; edukiera: 18.000 lagun
Presidentea	László Markovits
Entrenatzailea	Elemér Kondás
Liga	2. maila
2022-23	Hungariako Liga, 12.a (jeitsi)
Webgunea	Webgune ofiziala

	Etxekoa

	Kanpokoa

Vasas SC (izen osoa Budapesti Vasas Sport Club) Hungariako futbol talde ezagunenetakoa da, Budapest hiriburukoa. 6 aldiz irabazi du Hungariako futbol liga eta beste 4 aldiz Kopa. Baina famatu bihurtu zen 50. eta 60. hamarkadan sei aldiz irabazi zuelako Mitropa Kopa, beste inork baino gehiago, garai hartako nazio arteko txapelketa garrantzitsuena. Budapesteko 13. barrutian kokaturiko kirol taldea da Vasas. Futbolaz gain, beste zenbait kirol modalitate ere bultzatzen ditu, hala nola eskubaloia, saskibaloia, waterpoloa, izotz-hockeya, boleibola, atletismoa, igeriketa, eskrima, kanoa, gimnastika, boxeoa, borroka, tenisa, aerobika, eskia eta xakea.

Historia[aldatu | aldatu iturburu kodea]

1911ean sortu zen Vas-és Fémmunkások Sport Clubja izenarekin (euskaraz "Burdin eta altzairuaren langileen kirol taldea").

Taldearen garai onena 1956 eta 1957an irabazitako Mitropa Kopekin hasi zen. 1958an sortu berria zen Europako Kopako final erdietara iritsi zen. 1960an selekzioen Mitropa Kopa antolatu zuten eta gehienak Vasasekoak izanik berriz irabazi zuten, nahiz eta taldearen palmaresean ez agertu. 60. hamarkadan Hungariako lau liga eta beste hiru Mitropa opa irabazi zituen. Azken tituluak 1977ko Hungariako Liga, 1983ko Mitropa eta 1986ko Hungariako Kopa ditu.

Azken denboraldietan bigarren mailan aritu da baina 2015ean Lehen mailara itzuliz en eta hurrengo urtean mantentzea lortu du. 2017ko Kopako finalera sailkatu da baina penalti jaurtiketatan galdu du.