Vera Slutskaia

Vera Slutskaia
	; Irudi gehiago
Bizitza
Jaiotza	Minsk, 1874ko Irailaren 17a
Herrialdea	Errusiar Inperioa
Heriotza	Pushkin (en) , 1917ko Azaroaren 12a (43 urte)
Hobiratze lekua	Preobrazhenskoe Jewish Cemetery (en)
Heriotza modua	borrokan hilda
Jarduerak
Jarduerak	politikaria
	Parte-hartzailea 5th Congress of the Russian Social Democratic Labour Party (en) ; 6th Congress of the Russian Social Democratic Labour Party (en) ;
Zerbitzu militarra
Parte hartutako gatazkak	Urriko Iraultza
Sinesmenak eta ideologia
Alderdi politikoa	Errusiako Langile Alderdi Sozialdemokrata; Bund; Russian Social Democratic Labour Party (bolshevik) (en)

Vera Klimentevna Slutskaia (errusieraz: Ве́ра Климе́нтьевна Слу́цкая, bielorrusieraz: Вера Кліменцьеўна Слуцкая Vera Klimentseŭna Slutskaia; 1874eko irailaren 17a - 1917ko azaroaren 12a) bielorrusiar boltxebikea izan zen^[1].

Biografia[aldatu | aldatu iturburu kodea]

Ogibidez haginlaria zen, eta 1898an jada protesta iraultzaileetan parte hartzen zuen, urte horretan lehen aldiz atxilotua izan zelarik. 1901an, Bund judutarraren kide egin zen, eta 1902an, Errusiako Langileen Alderdi Sozialdemokratako (marxista) kide egin zen. 1903an, alderdi hau bitan zatitu zenean, boltxebikeen alde egin zuen. 1905ko iraultzan parte hartze garrantzitsua izan zuen, alderdiaren adar militarraren kide izan zelarik. 1909an erbestera egin zuen, Alemanian eta Suitzan bizi zen eta 1912an, berriz itzuli zen.^[1]

Errusian zela, hainbat aldiz atxilotu zuten. Otsaileko Iraultzaren ostean, Petrogradeko Udal-Dumako kide aukeratu zuten boltxebikeen aldetik. Petrogradeko “Vasilevski Uhartea” auzoko komite boltxebikearen burua izan zen. Uztaileko Egunetan, alderdiak manifestazioak zuzentzearen aldeko boltxebike apurrenetakoa izan zen. 1917ko uztail bukaeran Alderdi Boltxebikeak egin zuen VI. Biltzar Nagusian, alderdiaren ezker muturrean kokatu zen, altxamendu armatuaren alde eginez. Urriaren 30ean hil zen Petrograd Kerenski-Krasnov matxinadaren aurrean defendatzen ari zela. 1918 eta 1944 artean, Leningradetik gertu dagoen Pavlovsk hiria “Slutsk (Pavlovsk)” deitu zen bere omenez, errusiar iraultzaile baten omenez izena aldatu zuen lehen hiria izan zen Pavlovsk.^[1]

Erreferentziak[aldatu | aldatu iturburu kodea]

↑ ^a ^b ^c Slutskaia, Vera, K17, 2017-07-31. CC0 Domeinu Publikoa

Kanpo estekak[aldatu | aldatu iturburu kodea]

Datuak: Q1969808
Multimedia: Vera Slutskaya

[aa-1] Slutskaia, Vera, K17, 2017-07-31. CC0 Domeinu Publikoa

[1]