Verinha Darcy
| Verinha Darcy | |
|---|---|
 | |
| Bizitza | |
| Jaiotza | São Paulo, 1945eko urriaren 30a |
| Herrialdea |  Brasil |
| Heriotza | 1979ko irailaren 30a (33 urte) |
| Familia | |
| Haurrideak | ikusi
|
| Hezkuntza | |
| Hizkuntzak | portugesa |
| Jarduerak | |
| Jarduerak | aktorea |
  | |
Vera Dulce Perez Teixeira de Carvalho (São Paulo, 1945eko urriaren 30a – ibidem, 1979ko irailaren 30a), Verinha Darcy izenez ezagunagoa, brasildar aktorea izan zen. Bere paperik ezagunena 1956ko Pollyana telesaileko protagonista izan zen[1].
Bizitza
[aldatu | aldatu iturburu kodea]Natália Perez de Souza (Elizabeth Darcy) esatari, aktore eta aurkezlearen alaba eta Silvio Luiz esatariaren arreba zen. Bost urterekin debutatu zuen irrati-antzerkiko aktore gisa[1]. Bere ama TV Tupin lanean hasi zenean, Verinha Darcy ere telebista egiten hasi zen. Júlio Gouveia eta Tatiana Belinkyrekin lan egin zuen haurrentzako saioetan[1].
1954an, zazpi urte zituela, A Pequena Vendedora de Fósforosen parte hartu zuen, Música e Fantasia saioko Andersenen ipuinaren moldaketan[2], eta 1955ean TV de Vanguarda saioko Amor à Terra atalean[3]. 1956an, Verinha Darcyk Pollyana telenobelako paper nagusia bete zuen eta arrakasta handia izan zuen[1][4].
1960ko hamarkadaren amaierara arte jardun zuen telebistan. 1960an A Cabeçuda gazteentzako telenobelan parte hartu zuen TV Culturan[5][6]. Hurrengo urtean paper nagusia bete zuen Clarissa telenobelan, Erico Verissimoren lanean oinarritutako istorioan[7]. 1967an TV Excelsior kateko Redenção telenobelan antzeztu zuen[8], eta 1968an A Última Testemunhan[9].
1979ko irailaren 30ean hil zen[1]. Bere heriotza gutxi komentatu zen orduz geroztik. Aktorearen nebak, Silvio Luiz kirol esatariak, elkarrizketa batean esan zuen Verinha bere senarrak, Murillo de Oliveira Villelak hil zuen etxeko gatazka baten ostean[10].
Herri kulturan
[aldatu | aldatu iturburu kodea]Verinha Darcy izan zen Juca Chavesen Verinha abestiaren inspirazioa. Darcy miresmena adierazi zion abeslariari, nahiz eta harekin harremanean egotea ukatu zuen. Chavesek abestia moldatu zuen garaian, Verinhak 14 urte baino ez zituen[11][12].
Filmografia
[aldatu | aldatu iturburu kodea]| Urtea | Izenburua | Pertsonaia | Oharrak |
|---|---|---|---|
| 1954 | Música e Fantasia | Neska | Atal batean: "A Pequena Vendedora de Fósforos" |
| 1954-1956 | TV de Vanguarda | Hainbat pertsonaia | 6 ataletan |
| 1956 | Heidi | Heidi | |
| 1956-1957 | Pollyana | Pollyana Whittier | |
| 1958 | Pollyana Moça | ||
| As Aventuras de Tom Sawyer | |||
| 1959 | Angélika | Inge | |
| 1960-1961 | A Cabeçuda | ||
| 1961 | Clarissa | Clarissa | |
| 1966-1968 | Redenção | Glória Camargo Maia | |
| 1968 | A Última Testemunha | Isabel |
Erreferentziak
[aldatu | aldatu iturburu kodea]- ↑ a b c d e (Portugesez) «Verinha Darcy» Museu Brasileiro de Rádio e Televisão (kontsulta data: 2024-11-04).
- ↑ (Portugesez) «A Pequena Vendedora de Fósforos na TV» Diário da Noite 1954-12-23 (kontsulta data: 2024-11-04).
- ↑ (Portugesez) Rodrigues, Airton. «Rádio e TV» Diário da Noite 1955-10-25 (kontsulta data: 2024-11-04).
- ↑ (Portugesez) «Polyana - Rádio e TV» Diário da Noite 1956-12-18 (kontsulta data: 2024-11-04).
- ↑ (Portugesez) «Apresentação da novela A Cabeçuda pelo canal 2» Diário da Noite 1960-10-05 (kontsulta data: 2024-11-04).
- ↑ (Portugesez) «Rádio & TV» Diário da Noite 1960-12-30 (kontsulta data: 2024-11-04).
- ↑ (Portugesez) «Rádio & TV» Diário da Noite 1961-04-06 (kontsulta data: 2024-11-04).
- ↑ (Portugesez) «Redenção: A Cidade que mais Cresce... na TV» Intervalo 221: 16-17. (kontsulta data: 2024-11-04).
- ↑ (Portugesez) «A Muralha é novela no 9» A Tribuna 1968-07-24 (kontsulta data: 2024-11-04).
- ↑ (Portugesez) «PodCast Entre Amigos - Silvio Luiz #012» Flavio Prado Entre Amigos 2023-07-21 (kontsulta data: 2024-11-04).
- ↑ (Portugesez) «Êste brotinho é o amor de Juca Chaves» Revista do Rádio 591: 8. (kontsulta data: 2024-11-04).
- ↑ (Portugesez) «Dizem os outros» Radiolândia 356: 15. (kontsulta data: 2024-11-04).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q18285363