Verkhoiansk mendikatea

Verkhoiansk mendikatea
Datu orokorrak
Mendirik altuena	Mus-Khaya (en)
Garaiera	2.409 m
Mota	mendikate
Luzera	1.200 km
Zabalera	175 km
Geografia
Koordenatuak	67°N 129°E
Mendikatea	Eastern Siberian Bergland (en)
Estatu burujabe	Errusia
Errusiako errepublikak	Jakutia
Geologia
Material nagusia	Arroka metamorfiko
Garaia	Kretazeo

Verkhoiansk mendikatea (errusieraz: Верхоянский хребет, Verjoyanski jrebet) Errusiako asiar zatiaren iparraldean dagoen 1.200 kilometroko luzerako mendikate bat da, Zirkulu Polar Artikoaren bi alboetan eta Ekialdeko Siberiaren erdian.

Administratiboki, Errusiako Sakhako Errepublikan dago.

Geografia

Mendikate honek, Lena eta Aldan ibaiak, mendebaldean, eta Yana ibaiaren artean ekialdean, 1.200 kilometroko arku handi bat eratzen du. Mendikate honetan, euren urak aipaturiko ibaietara isurtzen dituzten ibai ugarik dute euren iturburua: ekialdeko zatian, Sartang, Durgalach, Yana, Byantakh eta Omolot. Mendebaldekoan, ibai laburragoak dira, horietatik gehienek, euren urak, Lena ibaira isurtzen dituztelarik.

Puntu gorena, 2.389 metrotan dago, mendikatearen hegoaldean. Inguruko finkapenik garrantzitsuena, Verkhoiansk da, mendikateari izena ematen diona, Yana ibaiaren ertzean dagoena. 2002an, bere biztanleria 1434 biztanlekoa zen. Yanako uretan behera, 60 kilometro ingurura, Batagaj dago.

Ohi populatuak dauden tokietan erregistraturiko tenperaturarik baxuenak, eskualde honetan erregistratu dira, urtearen zatirik gehienean, elur geruza sakon batez estalia egoten dena. Azken glaziazioan, mendikateak, glaziar zabalak zituen. Paisaia, udan, mendi alpetarretan ikus daitekeenaren modukoa da.

Eskualde honetan, ikatz, berun, zilar eta zinkeko meatokiak daude. Mendikatea, Eurasiar Plaka eta Ipar Amerikar Plaka elkartzen diren tokitik justu mendebaldean dago.

Kanpo estekak

• Datuak: Q215917
• Multimedia: Verkhoyansk Range / Q215917