Viktoria Erresuma Batukoa (1868-1935)

Viktoria Erresuma Batukoa (1868-1935)
	; Irudi gehiago
Bizitza
Jaiotzako izen-deiturak	Princess Victoria Alexandra Olga Mary of Wales
Jaiotza	Marlborough House (en) , 1868ko uztailaren 6a
Herrialdea	Erresuma Batua ; Britainia Handia eta Irlandako Erresuma Batua 1927ko apirilaren 12a)
Bizilekua	Marlborough House (en) ; Sandringham House; Coppins (en)
Lehen hizkuntza	Ingeles britainiarra
Heriotza	Coppins (en) , 1935eko abenduaren 3a (67 urte)
Hobiratze lekua	Royal Burial Ground (en) ; St George's Chapel, Windsor (en)
Familia
Aita	Eduardo VII.a Erresuma Batukoa
Ama	Alexandra Danimarkakoa
Ezkontidea(k)	ezkongabea
Seme-alabak	ikusi baliorik ez;
Haurrideak	ikusi Prince Albert Victor, Duke of Clarence and Avondale (en) ; Jurgi V.a Erresuma Batukoa; Luisa Erresuma Batukoa; Maud Galeskoa; Prince Alexander John of Wales (en) ;
Leinua	House of Saxe-Coburg and Gotha (en) ; Windsorko etxea
Hezkuntza
Hizkuntzak	ingelesa
Jarduerak
Jarduerak	aristokrata eta mezenasa
	Parte-hartzailea wedding of Prince George, Duke of York, and Princess Mary of Teck (en) ;
Jasotako sariak	ikusi Order of the Crown of India ; Dame Grand Cross of the Order of Saint John ; Royal Family Order of King Edward VII ;
Ideologia eta sinesmenak
Erlijioa	anglikanismoa

Viktoria Erresuma Batukoa (ingelesez, Victoria of the United Kingdom; Londres, Erresuma Batua, 1868ko uztailaren 6a – Buckinghamshire, Erresuma Batua, 1935eko abenduaren 3a) printzesa izan zen, Britainia Handiko errege familiako kidea. Erresuma Batuko Eduardo VII erregearen eta Danimarkako Alejandraren laugarren umea (bigarren alaba), eta Jurgi V.a Erresuma Batuko erregearen arreba gazteena. Sortzez, Saxonia-Coburgo-Gotha eraman zuen abizen gisa, baina bere neba Jurgi eta bere familiako beste kide batzuk bezala, bere abizena Windsor bihurtu zuen 1917an, Lehen Mundu Gerran zehar.^[1]

Bizitza

Jaiotza eta familia

Viktoria printzesa 1868ko uztailaren 6an jaio zen Londresko Marlborough Housen. Eduardo Alberto eta Alejandra Galesko printzeen laugarren umea izan zen. Bere nebak Alberto Victor printzea, Jurgi printzea (geroago Jurgi V.a errege bihurtu zena), Luisa printzesa eta Maud printzesa izan ziren. Aitaren aldetik, Viktoria Erresuma Batuko erreginaren eta Alberto Saxonia-Coburgo-Gothako errege ezkontidearen biloba zen.^[2] Amaren aldetik, Kristian IX.a Danimarkako erregearen eta Hesse-Kasselgo Luisa Hesse-Kasselekoa landgravinaren biloba zen.

Errege britainiarraren gizonezko lerroko iloba zenez, jaiotzatik Errege Gorentasunaren tratamendua eta Erresuma Batuko printzesa titulua jaso zituen. Familiaren baitan Toria deitzen zioten lagunartean.

Marlborough Housen bataiatu zuen 1868ko abuztuaren 6an Londresko gotzain Archibald Campbell Taitek, bere aitabitxiak hauexek izanik:

Viktoria I.a Erresuma Batukoa;
Alexandro II.a Errusiako tsarra;
Alexandro III.a Errusiakoa zaretela;
Arthuro, Connaughteko eta Strathearngo dukea eta printzea;
Luis de Hesse-Darmstadt printzea;
Jurgi Hesse-Kasseleko printzea;
Olga Konstantinovna Errusiakoa, Greziako erregina ezkontidea;
Karolina Amalia Augustenburgekoa, Danimarkako erregina ama;
Maria Hesse-Kasselekoa, Mecklemburgo-Strelitzeko dukesa ama handia;
Maria Adelaida Cambridgekoa, Teckeko dukesa;
Maria Luisa Carlota Hesse-Kasselekoa, Anhalt-Dessauko printzesa;

Tutore pribatuek hezi zuten Galesko Viktoria printzesa, eta Marlborough House eta Sandringham House hirietan eman zuen nerabezaroa. Bereziki bere neba Jurgirekin lotuta egon zen, gero Jorge V.a Erresuma Batuko erregea izan zenarekin.

Gorteko bizitza

Hainbat ezkongai proposamen izan arren, Victoria printzesa ez zen inoiz ezkondu; uste da bere amak, Alejandra erreginak, nahita jardun zuela ezkontzatik urrun mantentzeko. Beraz, gurasoen laguntzaile gisa geratu zen, batez ere amaren bidelagun gisa, eta harexekin bizi izan zen erreginaren egunak bukatu arte, 1925ean.

Orduan ezarri zuen Victoriak bere bizilekua Coppins de Iverren, Buckinghamshiren. Interes handia izan zuen herriko bizitzaren hainbat alderditan, eta Iverren Baratzezaintza Elkarteko ohorezko presidentea bihurtu zen.

Heriotza

Victoria bere etxean hil zen 1935 urteko abenduan; bere hiletak Windsor gazteluko San Jurgi kaperan egin ziren. Bere heriotza kolpe gogorra izan zen bere nebarentzat, Jurgi V.a erregearentzat, eta hilabete beranduago hil zen.

Ohorezko goraipamenak

1887ko abuztuaren 6a: Indiako Koroaren Ordena Inperialeko dama (Britainiar Inperioa).
Viktoria eta Albertoren errege Ordenako lehen mailako dama (Erresuma Batua).
Eduardo VII.a Erresuma Batuko erregearen Errege Ordena Familiarraren Dama (Erresuma Batua)
San Juan Ordena Agurgarriko gurutze handiko dama (Erresuma Batua)

Erreferentziak

↑ Lundy, Darryl. Victoria Alexandra Olga Mary Windsor, Princess of the United Kingdom. The Peerage.
↑ Lundy, Darryl. Edward VII Saxe-Coburg and Gotha, King of the United Kingdom. The Peerage.

Kanpo estekak

"Princess Victoria, His Majesty's Sister, A Quiet Home Life", The Times, 1935eko abenduaren 4a.
Allison, Ronald e Ridell, Sarah, The Royal Encyclopedia, Macmillan, London, 1992.
Genealogia della principessa Vittoria

Datuak: Q234542
Multimedia: Princess Victoria of the United Kingdom / Q234542

[vic-1] Lundy, Darryl. Victoria Alexandra Olga Mary Windsor, Princess of the United Kingdom. The Peerage.

[Bertie-2] Lundy, Darryl. Edward VII Saxe-Coburg and Gotha, King of the United Kingdom. The Peerage.

[1]

[2]