Villanañe

Villanañe
	Euskal Herria
	Villanañe Baronatarren dorretxetik
Kokapena
Herrialdea	Araba
Udalerria	Gaubea
Administrazioa
Posta kodea
Geografia
Koordenatuak	42°48′N 3°06′W / 42.8°N 3.1°W
Demografia

Villanañe Arabako Gaubea udalerria osatzen duten herrietako bat da. Baronatarren dorretxeagatik da ezaguna. 100 biztanle inguru ditu.

Izena[aldatu | aldatu iturburu kodea]

Historian zehar aurkitu diren agirietan izen desberdinak izan ditu. Zaharrena 949 urtekoa da eta Villa de Navi izena du. Ondorengo agirietan Villas Phani (1137), Villanañe (1146), Villananne (1175), Villaallañe eta Villalane (XV. mendean), Villanabia (XVI. mendean), Villalinage (1715), Villanage (XVIII. mendean) eta Villananni (1752)^[1].

Geografia[aldatu | aldatu iturburu kodea]

Omecillo eta Tumecillo ibaiek bat egiten duten tokian kokaturik dago, udalerriko herriburua den Uribarri Gaubea herritik gertu.

Historia[aldatu | aldatu iturburu kodea]

Astorga-Bordele galtzada erromatarra pasatzen zen bertatik eta garai hartako 2 x 0'5 metrotako harlauza bat aurkitu da, honela dioena:

«

D. MUERTO
ANTESTIA
EVTERPE
S P
AN. LXXV

»

Araba aldea eta sortzen ari zen Gaztelako Erresumaren arteko loturagunea izan zen eta mendebaldetik etorritako birpopulazioa jasan zuen. 1139 urtean Alfontso VII.a Gaztelakoak Martin Perez de Barahonari eman zion Villanañe jaurerria^[1]. Gaur egungo Baronatarren dorretxea XIV. mendean eraiki zuen Ruiz Muñoz de Varonak. Dorretxearen inguruan herria sortuz joan zen, Barrio Alto esaten dioten tokian. Ingurune hau despopulatu egin zen ordea hurrengo mendeetan Villanañe ibaiertzean garatuz joan baitzen. Haranaren iparraldean Angostoko santutegia eraiki zen XIV. mendean.

Gaubeako Anaidiko "Aitonen semeen batzarrak" Villanañeko udaletxean izaten ziren Angostoko santutegiaren ondoko arte baten inguruan, harik eta 1841ean Bellojín herrixkarekin udalerri propioa osatu zuen arte. 1923an Gaubearen barnean sartu zen berriz^[2].

Demografia eta biztanleria[aldatu | aldatu iturburu kodea]

2007ko urtarrilaren 1eko erroldaren arabera, herriak 100 biztanle ditu

Villanañeko biztanleria
2000	2001	2002	2003	2004	2005	2006	2007
70	71	75	75	96	98	100	100

Garraioa[aldatu | aldatu iturburu kodea]

Araba Bus sareko lineak zerbitzua ematen dio herri honi:

Araba Bus

Zerbitzua	Hasiera	Ibilbidea	Amaiera ⁠
13	Gasteiz (geltokia)	Gasteiz (Bastiturri) • Gasteiz (epaitegiak) • Gasteiz (Gaztelako Atea) • Subillabide • Tresponde • Billoda • Billoda (Plaza) • Langraiz Oka (udaletxea) • Langraiz Oka (bar-posta) • Langraiz Oka (Bikuña) • Olabarri • Mandaita • Pobes • Padul • Gesaltza Añana (museoa) • Gesaltza Añana • Tuesta • Espejo • Villanañe • Uribarri Gaubea • Gurendes • San Millan de San Zadornil • Korro • Tobillas	Bobeda

Ondasun nabarmenak[aldatu | aldatu iturburu kodea]

Erreferentziak[aldatu | aldatu iturburu kodea]

↑ ^a ^b «VILLANAÑE - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2020-08-19).
↑ (Gaztelaniaz) «Villanañe» EscapadaRural.com (Noiz kontsultatua: 2020-08-19).

Kanpo estekak[aldatu | aldatu iturburu kodea]

Datuak: Q2744548
Multimedia: Villanañe / Q2744548

[:0-1] «VILLANAÑE - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2020-08-19).

[2] (Gaztelaniaz) «Villanañe» EscapadaRural.com (Noiz kontsultatua: 2020-08-19).

[1]

[2]