Volotea

Wikipedia, Entziklopedia askea
Volotea
V7 - VOE
Datuak
Motalow-cost airline (en) Itzuli
HerrialdeaEspainia
Jarduera
KidetzaAirlines for Europe (en) Itzuli
Agintea
Egoitza nagusi
Historia
Sorrera2011
SorlekuaAsturiasko aireportua
webgune ofiziala
Facebook: Volotea Twitter: volotea Instagram: volotea Edit the value on Wikidata

Volotea (IATA: V7, NAZE: VOE) Asturiasen egoitza nagusia duen Espainiako kostu baxuko airelinea bat da.[1] Carlos Muñoz eta Lázaro Roz enpresaburuek sortu zuten 2011n, aurretik Vueling airelinea sortu zuten sortzaile berak, eta 2012ko apirilaren 5ean hasi zituen operazioak. Euskal Herrian Bilboko eta Biarrizko aireportuetan operatzen du.

Voloteak A kategoriako Hegazkin Operatzaileen Ziurtapena dauka, Espainiako Aire Segurtasuneko Estatu Agentziak (AESA) emana.[2] Ziurtapen horrek bidaiariak, zamak eta posta garraiatzeko baimena ematen dio, 20tik gorako bidaiarientzako hegazkinetan.

2017ko irailean 875 langile zituen.

Historia[aldatu | aldatu iturburu kodea]

Konpainia hiru arrisku kapital entitatek parte hartua da, horietatik bi europarrak eta hirugarrena, CCMP Capital, Estatu Batuarra. Azken honen presidentea, Greg Brenneman, Volotearen presidente ere da, eta aurretik Continental Airlines airelinearen presidente ere izan zen.[3] Konpainia 30 milioi euro baino gehiagoko kapitalarekin jaio zen.[4]

Airelinea zerbitzu ematen hasi aurreko hilabeteetan kontratazio prozesuen inguruan polemika sortu zen.[5] Behin operazioak hasita, Voloteak 230 lanpostu zuzen sortu zituen, aire tripulazioa, lurreko eta administrazio pertsonala gehituta, 5.000 hautagaitza baino gehiago jaso zituela.[6]

2012an Europa mailan hazkuntza handieneko airelinea izan zen, hasierako bi hilabeteetan 72 ibilbide eskainita. Hori dela eta, hegazkin sektorearen inguruko anna.aero argitalpenak Volotea saritu zuen.[7]

Aktibitatea hasi eta hilabete gutxira hegaldi batzuen ezeztapena gertatu zen, konpainiaren arabera udako sasoian aireportuen libre egoteko arazoak zirela medio.[8]

2017ko urriaren 19an administrazio kontseiluak egoitza soziala Bartzelonatik Asturiasko Printzerrira mugitzea erabaki zuen, non 2012tik operatzen duen eta garai hartan airelineak Espainian zuen aireportu base bakarra zegoen.

Flota[aldatu | aldatu iturburu kodea]

Voloteak Boeing konpainiarekin hitzarmena du sinatuta, Boeing 717 hegazkinak alokatzeko. 2018ko ekainean Voloteako flota hurrengo hegazkinez osatuta dago:[9]

Volotearen flota
Hegazkina Kopurua Eskaerak Bidaiariak Oharrak
Boeing 717-200 17 125 Boeing hegazkin fabrikatzaileari alokatuta
Airbus A319 13 150
Boeing 737-500 1 132

Erreferentziak[aldatu | aldatu iturburu kodea]

  1. (Gaztelaniaz) El Comercio. «Volotea traslada su sede social a Asturias» (Noiz kontsultatua: 2018-06-30).
  2. (Gaztelaniaz) AESA. «Compañías de transporte aéreo españolas tipo A».
  3. Harvard Business Review on Crisis Management: "Right Away and All at Once: How We Saved Continental"
  4. (Gaztelaniaz) «La 'low cost' Volotea consigue más de 30 millones para despegar» Expansión (Noiz kontsultatua: 2018-06-30).
  5. content. Los mil líos de la low cost Volotea antes de despegar. (Noiz kontsultatua: 2018-06-30).
  6. (Gaztelaniaz) ABC. «Volotea crea 230 puestos de trabajo en su primera temporada de operaciones - ABC.es - Noticias Agencias» ABC (Noiz kontsultatua: 2018-06-30).
  7. (Ingelesez) «EURO ANNIES 2012: Airline Awards | anna.aero» anna.aero 2012-05-17 (Noiz kontsultatua: 2018-06-30).
  8. Zaragoza, I. M.. «Volotea cancela diez vuelos y recibe las primeras quejas» heraldo.es (Noiz kontsultatua: 2018-06-30).
  9. «Volotea Airlines Flota | Airfleets aviación» www.airfleets.es (Noiz kontsultatua: 2018-06-30).

Kanpo estekak[aldatu | aldatu iturburu kodea]