Wake Me Up (Avicii)

Wikipedia, Entziklopedia askea
Jump to navigation Jump to search

Wake Me Up (euskaraz Esna Nazazu) Avicii suediar DJaren abesti bat da. Aloe Blacc estatubatuar abeslaria eta Incubus estatubatuar rock musika taldeko Mike Einziger gitarrajolearen kolaborazioak ditu. Musika elektronikoa eta country estiloak uztartzen ditu.

2013ko ekainaren 17an single gisa plazaratu eta urte berdineko irailaren 17an True diskoaren barnean argitaratu zen. 2013ko udako abestietako bat izan zen, udan nahiz udazkenean Euskal Herrian Euskadi Gaztean maiz entzungai jarri ohi zutelarik.

Abestian behin eta berriz errepikatzen den bertso edo bisak honakoa dio:

« Hortaz, esna nazazu dena amaitzean,
jakintsu eta zaharragoa izango naizenean,
denbora guzti honetan nire kaxaz bilatzen aritu naiz,
eta galduta nengoela ez nekien.
»

Bitxikeria gisa, Irlandako Coláiste Lurgan ikastetxeko ikasleek abesti honeen irlanderazko bertsioa moldatu zuten, estreinatu eta berehala herrialde hartan arrakasta izan eta gazte jendearen artean hedapen handia izan zuelarik.[1]

Erreferentziak[aldatu | aldatu iturburu kodea]

  1. Wake Me Up in irish. September 2013, RTE. Youtube.com (Gaeleraz)

Kanpo estekak[aldatu | aldatu iturburu kodea]