Walter Kohn

Wikipedia, Entziklopedia askea
Hona jauzi: nabigazioa, Bilatu
Walter Kohn
WalterKohnGraz21042006 1.jpg
Bizitza
Jaiotza Viena1923ko martxoaren 9a
Herrialdea  Kanada
 Ameriketako Estatu Batuak
 Austria
Heriotza Santa Barbara (Kalifornia)2016ko apirilaren 19a (93 urte)
Hezkuntza
Heziketa Torontoko Unibertsitatea
Harvard Unibertsitatea
Tesi zuzendaria Julian Seymour Schwinger
Lanbidea
Lanbidea fisikaria eta unibertsitateko irakaslea
Enplegatzailea(k) Kaliforniako Unibertsitatea Santa Barbaran
Jasotako sariak
Kidetza Royal Society
Austrian Academy of Sciences
Ameriketako Estatu Batuetako Zientzien Akademia Nazionala
International Academy of Quantum Molecular Science
Arteen eta Zientzien Ameriketako Estatu Batuetako Akademia
Zientzien Errusiar Akademia
Walter Kohn Autograph.jpg

Walter Kohn (Viena, 1923ko martxoaren 3a - Santa Barbara, Kalifornia, 2016ko apirilaren 19a) estatubatuar fisikaria eta matematikaria izan zen. Dentsitate funtzionalaren teoria adierazi zuen, molekulen geometria eta beren loturen ezaugarriak ezagutzeko balio duena. Matematika- eta fisika-ikasketak egin zituen, Torontoko Unibertsitatean (Kanada) eta Harvarden (Estatu Batuak). Irakasle izan da Harvardeko Unibertsitatean (1948-1950), Carnegie Mellonen (1950-1960), San Diegoko Unibertsitatean (1960-1979), eta Santa Barbarako Unibertsitatean. San Diegoko Unibertsitateko fisika-saileko idazkari izan zen 1961-1963 bitartean, eta Santa Barbarako Unibertsitateko Fisika Teorikoko Insititutuko sortzaile eta zuzendari 1979-1984 bitartean. 1991tik aurrera azkeneko erakunde horretako fisika-saileko ikertzaile izan da. Bere ikerketen bidez frogatuta utzi zuen molekula konplexu baten geometria-teoriaren bidez lortzeko ez dagoela zertan azterturik elektroi bakoitzaren mugimendua; aitzitik, aski dela espazioaren edozein puntutan kokatuta dagoen batez besteko elektroi kopurua ezagutzea. Teoria hori egitura molekularren zenbakizko kalkuluan erabili izan da arrakastaz, eta entzima eta katalisi mekanismoak aztertzeko balio du. Horrez gainera, erdieroaleen fisika, supereroankortasuna, gainaldeen fisika eta katalisiari buruzko lan asko argitaratu ditu. Lan horietatik guztiengatik, sari asko jasotakoa da: egoera gotorreko fisikako Oliver Buckley saria (1960), Davisson-Germer saria (1977) eta Feenberg domina (1991), besteak beste. 1998an Kimikako Nobel Saria jaso zuen, J. A. Poplerekin batera, molekulen ezaugarrien eta prozesu kimikoen azterketa teorikoan aitzindari izateagatik.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Walter Kohn Aldatu lotura Wikidatan