Wikiproiektu:EHU-Wikipedia 2016/Probalekua/Proba orria15

G immunoglobulina[aldatu iturburu kodea]

G Immunoglobulina (Ig G) organismoaren barne isurkarietan (odola, likido zefalorrakideo, linfa...) dagoen immunoglobulina da.

Immunoglobulina ugariena da, gorputzeko bost immunoglobulinaen artean bera baita nagusia (Ig guztien %80).

Era berean, immunoglobulina txikiena da, bere pisu molekurra 150.000 Daltonekoa izanik. Honek azaltzen du zirkulazio aparatutik ehunetara erraz pasatzeko duen gaitasuna, baita karena edo plazenta-hesia zeharkakoa ere (karena zeharka dezakeen immunoglobulina bakarra da; horrek babesa eta immunitatea ematen dio umekiari). ^[1]

Ig G molekula monomeroa da, eta lau polipeptido katez osatuta dago. Kateen artean eta kateen barruan disulfuro zubiak (S-S) baditu. ^[2]

Odol plasman 13.5 mg/mL kontzentrazioan dago, eta bere erdibizitza 25 egunekoa da.

Immunoglobulina honek konplementu sistema aktibatzen du, azken honek mikrobio patogenoak suntsi ditzan. Horretaz gain, opsinina moduan jarduten du, eta opsonizazioa eragiten du (hots, fagozitoak aktibatzen ditu). Bi ezaugarri horiei esker G immunoglobulina antigorputz oso eraginkorra da bakterio, birus eta beste mikrobio patogenoen aurkako borrokan.

Beste immunoglobulinen aldean, Ig Gk toxinak indargabetzeko ahalmena ere badu.

Mota honetako immunoglobulinek ere gaitz autoimmuneetan zerikusi handia dure, oso lotuta baitaude III motako hipersentiberatasunekin: gorputzeko autoantigorputzek G immunoglobulinarekin konplexuak eratzen dituzte, ehunak eta organoak kaltetzen dituztenak (artritis erreumatoidea sortuz, adibidez).^[3]

G immunoglobulinaren 4 azpiklase daude: (Ig G₁, Ig G₂, Ig G₃ eta Ig G₄), ezaugarri ezberdinak dituztenak, ondoko taulan ikus daitekeen moduan:

Azpiklase	%	Karena zeharkatu	Konplementua aktibatu	Fagozitoei lotu
Ig G₁	66	++	++	++
Ig G₂	23	+	+	-
Ig G₃	7	++	+++	++
Ig G₄	4	++	-	+

Errefentziak[aldatu iturburu kodea]

↑ Ingraham, J., Ingraham C.: Introduccion a la Microbiología, vol. 2, Ed. Reverté (1998), 412 orr. IBSN:84-291-1871-3
↑ Madigan M.T., Martinko J.M., Parker J. Brock Mikroorganismoen biologia (2007) E.H.U.ak euskaratua, 812-813 orr. IBSN: 978-84-9860-026-1
↑ Madigan M.T., Martinko J.M., Parker J. Brock Mikroorganismoen biologia (2007) E.H.U.ak euskaratua, 844-846 orr. IBSN: 978-84-9860-026-1

[1] Ingraham, J., Ingraham C.: Introduccion a la Microbiología, vol. 2, Ed. Reverté (1998), 412 orr. IBSN:84-291-1871-3

[2] Madigan M.T., Martinko J.M., Parker J. Brock Mikroorganismoen biologia (2007) E.H.U.ak euskaratua, 812-813 orr. IBSN: 978-84-9860-026-1

[3] Madigan M.T., Martinko J.M., Parker J. Brock Mikroorganismoen biologia (2007) E.H.U.ak euskaratua, 844-846 orr. IBSN: 978-84-9860-026-1

[1]

[2]

[3]