William Styron

Wikipedia(e)tik
Hona jo: nabigazioa, Bilatu

William Styron (Newports News, Virginia, 1925eko ekainaren 11 - Martha's Vineyard, Massachusetts, 2006ko azaroaren 1) estatubatuar eleberrigilea izan zen.

Estatu Batuetako hegoaldean hazi zen. Duke Unibertsitatean egin zituen ikasketak. William Faulknerren eragina sumatzen da haren obran, inguruneko gaiak lantzeko moduagatik. Lehen eleberrian, Lie Down in Darkness (1951, Ilunpean etzanda), Hegoaldeko erdi-mailako familia baten suntsiketaren deskribapena egin zuen. Maisulana, ordea, The Confessions of Nat Turner (1967, Nat Turnerren aitorpenak) du, esklabo beltzen 1831ko matxinada baten kronika. Obra hark eztabaida handiak piztu zituen, eta Pulitzer saria irabazi zuen 1968an.

Beste zenbait lan aipagarri: The Long March (1953, Ibilaldi luzea), militarren entrenamendu-leku batean girotutako eleberria; Set This House on Fire (1960, Etxea sutan), Bigarren Mundu Gerraren ondoren Italian geratu ziren estatubatuar soldaduen bizitzari buruzko kontakizuna; Sophie's Choice (1979, Sophieren erabakia), estatubatuar idazle baten eta Auschwitzetik bizirik atera zen poloniar gazte baten adiskidetasunaren historia, arrakasta handikoa; Darkness Visible (1990, Iluntasun ikusgai), buruko eritasun baten aurkako borrokaren kontakizuna; eta, azkenik, A Tidewater Morning: Three Tales from Youth (1993, Goiz bat itsasertzean: gaztetako hiru kontakizun), haurtzaroko une mingarriei buruzko kontakizunak.

Erreferentziak[aldatu | aldatu iturburu kodea]