Xiaozhai Tiankeng
| Xiaozhai Tiankeng | |
|---|---|
 Gizateriaren Ondare | |
 | |
| Mota | naturagune babestu |
| Geografia | |
 | |
| Koordenatuak | 30°45′N 109°28′E / 30.75°N 109.47°E |
Xiaozhai Tiankeng, txineraz, edonon, munduko sarbegirik handiena eta sakonena da.[1] Txinako Chongqing udalerriko Fengjie konderrian dago.
Xiaozhai Tiankeng-ek hitzez hitz «zeruko zulo handia herri txikiaren atzean» esan nahi du.
Neurriak
[aldatu | aldatu iturburu kodea]Xiaozhai Tiankeng sarbegiak 626 metroko luzera du, 537 metroko zabalera, eta 511 eta 662 metro arteko sakonera, pareta bertikalekin. Bere bolumena 119.349.000 m³-koa da eta irekiduraren azalera 274.000 m²-koa. Material hori desegin eta ibaiak eraman du. Sarbegia habia bikoitza duen egitura da: goiko deposituak 320 metroko sakonera du, beheko deposituak 342 metroko sakonera eta bi deposituek 257-268 metroko zabalera dute batez beste. Bi mailen artean erlaitz inklinatu bat dago, kareharrian harrapatuta dagoen lurrak osatua. Euri sasoian, ur-jauzi bat ikus daiteke sarbegiaren ahoan.[2]
Aurkikuntza
[aldatu | aldatu iturburu kodea]Xiaozhai Tiankeng 1994an aurkitu zuten adituek, Caves Project Txinan espeleologo britainiarrentzako esplorazio gune berri baten bilaketan. Izan ere, bertako jendeak antzinatik ondo ezagutzen zuen. Xiaozhai gertuko herri abandonatu baten izena da, eta literalki «herri txiki» esan nahi du, eta tiankeng hitzak «zeruko zuloa» esan nahi du, Txinan sarbegietarako bakarra den eskualdeko izena. 2800 mailako eskailera bat eraiki da turismoa errazteko.
Lurpeko ibaia eta haitzuloa
[aldatu | aldatu iturburu kodea]Xiaozhai Tiankeng sarbegia Difeng kobazuloaren gainean sortu zen. Kobazulo hori, era berean, lurpeko ibai boteretsu batek sortu zuen, oraindik ere sarbegiren azpitik isurtzen dena. Lur azpiko ibaia Tianjingeko pitzaduraren haitzartean hasten da, eta Migong ibaiaren gaineko labar bertikal batera iristen da, 4 metroko altuera duen ur-jauzi bat osatuz. Lurpeko ibai horrek 8.5 km-ko luzera du gutxi gorabehera, eta bere ibilbidean 364 metro erortzen da. Ibai horren urteko batez besteko emaria segundoko 8.77 m³-koa da, baina emaria 174 m³/s-koa izan daiteke. Bai ibaia eta bai Difeng kobazuloa China Caves Projectek esploratu eta mapatu zituen 1994an.[2]
Flora eta fauna
[aldatu | aldatu iturburu kodea]1285 landare espezie daude, ginkgoa barne, eta animalia bakan asko, hala nola pantera lainotsua, sabegian aurkitu dituzte.
Erreferentziak
[aldatu | aldatu iturburu kodea]- ↑ «Xiaozhai tiankeng» Wondermondo.
- ↑ a b «Xiaozhai tiankeng» Wondermondo.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q10939259
Multimedia: Xiaozhai Tiankeng / Q10939259