Xylotrechus antilope

Xylotrechus antilope
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cerambycidae
Leinua	Clytini
Generoa	Xylotrechus
Espeziea	Xylotrechus antilope; Schönherr, 1817

Xylotrechus antilope Cerambycidae familiako kakalardoa da. Europan eta Ekialde Hurbilean bizi da^[1]. Euskal Herrian ere aurkitzen da^[2].

Deskribapena

Kakalardo txikia da, 7-14 mm artean neurtzen du. Gorputza beltza du eta pronotoa oso handia da proportzioan, ia esferikoa. Pronotoak lau marka hori ditu erpinetan. Elitroetan marka bereizgarriak ditu, begiak diruditen marka kurbatuak aurrealdean eta marra zuzena atzealdean. Sabelaldea marratua du, marra argiak eta beltzak tartekatuz. Ile finak estaltzen du gorputza, baita burua ere.^[3]

Sexu dimorfismo nabarmena duen espeziea da. Emea arra baino handiagoa da eta elitroko zein pronotoko marka eta lerroak horiak ditu. Arraren elitroko markak zuriak dira.^[3]

Habitata

Baso hostoerorkorretan aurkitzen da, gehienbat hariztietan. Inoiz pagadietan eta urkidietan ere ikusten da.^[3]

Bizi zikloa

Bi urtetako bizi-zikloa betetzen du. Helduak maiatza eta abuztua artean ikusten dira haritz enborretan eta adarretan. Emeak arrautzak jartzen ditu enbor ustelen azalaren azpian eta handik ateratzen diren beldarrak usteltzen ari den zurez elikatzen dira. Bigarren udaberrian beldarrek pupa eratzen dute eta handik heldu berriak jaiotzen dira.^[3]