Yaeyamera

Wikipedia, Entziklopedia askea
Jump to navigation Jump to search
Yaeyamera
Yaeyama map.png
Datu orokorrak
Lurralde eremua Japonia
Hiztunak 47.600 (2000)
Ofizialtasuna Inon ez
Eskualdea Okinawako prefektura
UNESCO sailkapena 4 larriki arriskuan
Araugilea Ez du
Hizkuntza familia
giza hizkuntza
japoniar hizkuntzak
ryukyuar hizkuntzak
hego ryukyuar hizkuntzak
Informazio filologikoa
Alfabetoa Japoniar idazkera sistema
Hizkuntza kodeak
ISO 639-3 rys
Ethnologue rys
Glottolog yaey1239

Yaeyamera (八重山物言/ヤイマムニ, Yaimamuni) Yaeyama Uharteetan hitz egiten den hizkuntza da, Hego Ryukyuar familiakoa. Yaeyama uhartedia Japonian hegoalderen dagoen uhartedia da, hainbat uharte txiki eta ertainek osatzen dute eta guztira 53.000 lagun inguru bizi dira haietan.[1] Yaeyamerak miyakoera gertuko hizkuntza du, izan ere, Miyako uhartedia Yaeyama uharteditik hurbil kokatzen da, hego-mendebaldean. Hizkuntza honen hiztun kopurua ez da ezagutzen, japoniar hizkuntza-politika zapaltzaileak ez diolako inolako aitorpenik egin ez eta ofizialtasunik eman; soilik dialektotzat hartzen du. Hizkuntza-politika horiek eragin dute hirurogei urtetik beherako biztanleak hiztun pasiboak izatea, hau da, hizkuntza soilik errituetan edo abestietan erabiltzen dute; gainera, belaunaldi berriek orokorrean japoniera baino ez dute erabiltzen. Yaeyamerak, alboko ryukyuar hizkuntzekin alderatura, ahulago dagoela nabaritu da azken urteotan.[2]

Yaeyamera Ishigaki, Taketomi, Kohama, Kuroshima, Hatoma, Arangusuku, Iriomote eta Hateruma uharteetan hitz egiten da, baina uharte bakoitzean dialekto jakin bat hitz egiten da, uharte batetik bestera agoen distantzia handiaren ondorioz. Sarritan bi uharte ezberdinetako biztanleek elkar komunikatzerakoan zailtasunak dituzte. Bestalde, Yonaguni uharteak bere jatorrizko hizkuntza du, yonaguniera, zeinak yaeyamerarekin harreman estua izan arren, hizkuntza ezberdintzat hartzeko nahikoa desberdintasun dituen. Taketomi uhartean hitz egiten den dialektoa, agian, yaeyameraren dialektoekin elkartu zen Ipar Ryukyuar hizkuntza batetik dator.[3]

Erreferentziak[aldatu | aldatu iturburu kodea]

  1. «八重山のデータ» www.zephyr.justhpbs.jp . Noiz kontsultatua: 2020-03-29.
  2. Heinrich, Patrick; Barion, Fija; Brenzinger, Matthias (2009ko maiatzaren 9). "The Ryukyus and the New, But Endangered, Languages of Japan". The Asia-Pacific Journal. 7 (19): 6.
  3. «Ryūkyūan language history :: University of Southern California Dissertations and Theses» digitallibrary.usc.edu . Noiz kontsultatua: 2020-03-29.