Artikulu hau "Kalitatezko 1.000 artikulu 12-16 urteko ikasleentzat" proiektuaren parte da

Zalakain abenturazalea

Wikipedia, Entziklopedia askea
Jump to navigation Jump to search

Zalakain abenturazalea
Zalacain el aventurero cover page 1908.jpg
Datuak
Idazlea Pío Baroja
Argitaratze-data 1908
Generoa Eleberria
Jatorrizko izenburua Zalacaín el aventurero
Hizkuntza Gaztelania
Herrialdea Espainia
Formatua Inprimatua
ISBN 978-84-8130-196-0
OCLC 433138677
Euskaraz
Izenburua Zalakain abenturazalea
Itzultzailea Koro Navarro
Argitaratze-data 2006

Zalakain abenturazalea (gaztelaniaz: Zalacaín el aventurero) delakoa La casa de Aitzgorri (1900) eta El mayorazgo de Labraz (1903) eleberriekin batera Pío Baroja idazle donostiarraren Tierras Vascas trilogia osatzen zuen azken eleberria izan zen. Martin Zalakain gaztearen bizipenak eta abenturak kontatzen ditu, Bigarren Karlistaldiaren garaian. Lehenbiziko argitalpena 1908an inprimatua izan zen. 2001an Espainiako El Mundo egunkariak XX. mendeko ehun eleberri onenen artean sartu zuen.[1]


Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Martin Zalakain Urbia izeneko fikziozko herriko gazte euskalduna da. Mutil bihurria da. Ama hil ondoren, Migel Tellagorri zahar ostatuzaleak hezitzen du. Karlos Ohando herriko jauntxoa gorrotatzen du. Ohando Martinen arrebaren atzetik dabil eta honek engainatu ez dezan, Martinek bere laguna den Bautista Urbiderekin ezkontzea lortzen du. Senar-emazte berriak Zaro izeneko Iparraldeko udalerri batera bizitzera joango dira, baina gerora Bautista Martinekin batera abenturetan murgilduko dira.

Abenturak Bigarren Karlistaldian girotuta daude, Zalakain eta Bautista, Kapistun deituriko gizon batekin batera Iparralde eta Hegoaldearen arteko mugan estraperlo negozioetan dabiltza. Lan hauetan dabiltzalarik, Zalakain eta Bautista Santa Kruz apaizaren taldearekin elkartuko dira, behartuta, baina azkenean biek ihes egitea lortuko dute.

Lizarran eta jeneral karlistak engainatu nahian, espetxeratu egingo dute. Zalakainek espetxetik ihes egin, Katalina andregaia hango komentutik erreskatatu eta harekin ezkonduko da. Karlisten erretiradan Karlos Ohandoren morroi batek erailtzen du eleberriaren amaieran.

Erreferentziak[aldatu | aldatu iturburu kodea]

  1. .