Zamartze

Zamartze
Nafarroa Garaia, Euskal Herria
Kokapena
Herrialdea	Euskal Herria
Probintzia	Nafarroa Garaia
Herria	Uharte-Arakil
Koordenatuak	42° 55′ 26″ N, 1° 57′ 53″ W
Demografia
Biztanleria	0

Zamartze Nafarroa Garaiko ipar-mendebaldeko Uharte Arakil udalerriko herri bat da. 2008an, biztanle bakarra zuen. Herriko ondasun nabarmenena Zamartzeko monasterioa da, 1983an Nafarroako Foru Erkidegoko Gobernuak monumentu izendatua.

Historia

Erromatar garaian bertan Aracaeli izeneko mansio bat eratu zuten Ab Asturica Burdigalam galtzadatik pasatzen ziren bidaiariak babesteko.

1140. urtearen inguruan, Zamartzeko monasterioa eraiki zuten. Arakil ibaiaren ondoan eta Aralarko mendilerroaren azpian kokatua, Done Mikel Aralarkoaren santutegira joateko abiapuntu da. Monasterioak guztira hiru eraikin ditu, ekialdetik mendebaldera errenkan jarriak. Nagusia, aitzinean kokatua, XII. mendeko Santa Maria eliza erromanikoa da; Erdi Aroan Iruñeko Andra Maria Errealaren katedralaren peko monasterioa zen. Egun, Iruñe eta Tuterako artxidiozesia da monasterioaren jabea, eta espiritu-ariketak egiteko etxea prestatua du hor.

Demografia

Zamartzeko biztanleria

2000	2001	2002	2003	2004	2005	2006	2007	2008
1	1	1	1	1	1	2	2	1

Bibliografia

• (Gaztelaniaz) Gran Enciclopedia Navarra. 10 (Zamartze) Iruñea: Nafarroako Kutxa, 502-503 or. ISBN 84-87120-02-4.

• (Gaztelaniaz) Gran Enciclopedia Navarra. 1 (Araceli) Iruñea: Nafarroako Kutxa, 367 or. ISBN 84-87120-02-4.

Ikus, gainera

• Uharte Arakil
• Zamartzeko monasterioa

Kanpo estekak

• Datuak: Q9097441
• Multimedia: Zamartze

Euskarazko Wikipedian bada atari bat, gai hau duena: Nafarroa