Zelestino III.a

Zelestino III.a
(1196) Irudi gehiago
175. Aita santu 1191ko martxoaren 28a - 1198ko urtarrilaren 8a ← Klemente III.a - Inozentzio III.a →
Bizitza
Jaiotzako izen-deiturak	Giacinto Bobone
Jaiotza	Erroma, c. 1106
Heriotza	Erroma, 1198ko urtarrilaren 8a (91/92 urte)
Hobiratze lekua	San Joan Laterangoa
Familia
Aita	Bobone Orsini
Hezkuntza
Hizkuntzak	latina
Jarduerak
Jarduerak	diplomazialaria, apaiz katolikoa eta idazlea
Lantokia(k)	Erroma eta Aita Santuen Lurraldea
Ideologia eta sinesmenak
Erlijioa	Erromatar Eliza Katolikoa

Zelestino III.a (Erroma 1106 inguru-1198ko urtarrilak 8), Eliza Katolikoko 175. aita santua izan zen, 1191tik 1198 arte.

Giacinto Bobone benetako izenez, Orsini familian jaio zen, erromatar familia noble bereizgarri batean, eta 47 urtez, Kardinal diakono aritu zen Elizan, 1191n, 85 urterekin, aita santu aukeratua izan zen arte; horretarako, bere sagaratzearen aurreko egunean apaiz ordenatu behar izan zuen.

Hurrengo egunean, Henrike VI.a Germaniako Erromatar Inperio Santukoa koroatu zuen, enperadorearen erabateko nagusitasuna sinbolizatu zuen zeremonia batean eta bien arteko ondorengo harremanetan adierazi zena. Horrela, Henrike VI.ak Liegeko apezpiku Alberto di Lovanio ez zen aita santuaren aurka txintik ere esatera ausartu, eta Rikardo I.a Ingalaterrakoa Lehoi Bihotz erregea gatibu mantendu zuenean, bere aginduz, Leopoldo V.a Austriako dukeak harrapatu zuena Ingalaterrako erregea Hirugarren Gurutzadatik itzultzen ari zenean, soilik, hau eskumikatzen ausartu zen, eta Rikardo berriz aske geratu zen, Henrikeri erreskate garestia ordaindu ondoren.

Politikaren arloan, 1192an, behin betiko berretsi zituen Ordena Teutonikoaren estatutuak. 1196an, Alfontso VIII.a Gaztelakoak harengana jo zuen, Nafarroak eta Aragoik almohadeekin neutraltasun hitzarmen bat zutela salatzeko, beldur baitziren Gaztelaren erasoez, eta gaitzets zitzan. Aita santua nafarrak konbentzitzen saiatu zen; horretara limurtzeko, errege aitortu zuen Antso Azkarra, baina nafarrak almohadeekin aliantza zuela gaitzetsiz, eskumikatu zuen. Inozentzio III.a haren ondorengoak ere berdin egin zuen.

Hil baino lehentxeago, 1198ko urtarrilak 8an, kargua uzteko asmoa adierazita, oinordeko bat izendatu zuen, baina kardinalek ez zioten utzi.

San Joan Laterangoa Artxibasilikan lurperatua izan zen.

San Malakiasen profeziek De rure bovensi ("Idi zelaietakoa") izendapenaz erreferentzia egiten diote, haren familia Bovistarrak ("Idiak") eta erromatar landa zabaleko jatorria izateagatik.

Erreferentziak

Aurrekoa Klemente III.a

Aita Santua 1191-1198

Ondorengoa Inozentzio III.a

• Datuak: Q103437
• Multimedia: Caelestinus III / Q103437