Zim (softwarea)

Zim
Jatorria
Sorrera-urtea	2005
Azken bertsioa	0.75.2
Ezaugarriak
Hizkuntza	ingelesa, errusiera eta eleaniztuna
Programazio-lengoaia	Python
Irakur dezake	Linux, Microsoft Windows eta macOS
GUI tresnak	GTK
Egile-eskubideak	copyrightduna
Lizentzia	GNU General Public License, version 2.0 or later (en)
Euskaraz
Euskaraz	Bai
	zim-wiki.org
Iturri-kodea	https://github.com/jaap-karssenberg/zim-desktop-wiki

Zim edo Zim wiki lokalean gordetako wiki-orrien bilduma gordetzeko diseinatutako testu editorea da. Orri bakoitzak eduki dezake formatu sinpleko testuaz gain: beste orriekiko estekak, Interneteko estekak, lokaleko dokumentuekiko estekak eta irudiak.

Oinarrizko tresnaz gain pluginen bidez erantsi daitezke ekuazio editorea, taulak, zuzentzaile ortografikoa...

Wiki-orriak .txt testu lauko fitxategietan eta karpetetan gordetzen dira wiki formatuan.

Zim aplikazioa Python lengoaian idatzita dago eta GTK+ libreriak erabiltzen ditu. GNU General Public License (GPL) software libreko lizentzia du.

Ezaugarriak[aldatu | aldatu iturburu kodea]

Horra ezaugarri interesgarri batzuk:

Testua wiki testu prozesadore arinean formaturik gabeko testu lau bezala gordetzen da, .txt luzapenarekin, baina editatzeko eta ikusteko formatu aberatsaren ezaugarri batzuk ditu: letra lodiekin, letra etzana, nabarmendua, azpimarratua, tituluak, ezabatze marra horizontala, buletak, numerazioa, estekak, taulak...
Eduki multimedia: irudiak, fitxategi erantsiak, egutegia...
Beste orriekiko estekak.
Aplikazioa orriak automatikoki gordetzen ditu karaktere bakoitzean.
Etiketatze sistema du.
Zereginen zerrenda kalifikatua, ataza garrantzitsuenak-eta nabarmentzeko.
Esportatzen ahal da hainbat formatutara: HTML, diapositiba aurkezpen, Markdown, RST^[1], LaTeX formatura...

Pluginak[aldatu | aldatu iturburu kodea]

Zimen ezaugarriei funtzionalitate gehiago erantsi diezaioke pluginen bidez:

Ekuazio editorea (LaTex eta dvipng bidez),
Plotak (GNU R edo Gnuplot bidez),
Zuzenketa ortografikoa (euskaraz),
Zereginen kudeaketa,
Taula editorea,
Egunkaria,
Interneteko nabigatzailearen bidez inprimatzeko aukera,
eta beste hainbat.

Eskuragarritasuna[aldatu | aldatu iturburu kodea]

Zim instala daiteke hainbat Linux banaketatan, macOS sistema eragilean eta Windowsen.^[2]

Androiderako bertsiorik ez du une honetan.

Euskaraz[aldatu | aldatu iturburu kodea]

Zim euskarazko interfazearekin erabil daiteke Linux sistema eragilea darabilten hainbat banaketarekin. Windows sistemarekin oraingoz ez.^[3]

Ikus, gainera[aldatu | aldatu iturburu kodea]

Joplin (softwarea)

Erreferentziak[aldatu | aldatu iturburu kodea]

↑ (Ingelesez) «reStructuredText» docutils.sourceforge.io 2021-10-22 (Noiz kontsultatua: 2022-02-14).
↑ «Zim - a desktop wiki» www.zim-wiki.org (Noiz kontsultatua: 2022-02-14).
↑ «Zim - Librezale.eus» librezale.eus (Noiz kontsultatua: 2022-02-14).