Zirilo Jerusalemgoa
Zirilo Jerusalemgoa (antzinako grezieraz: Κύριλλος Α΄ Ἱεροσολύμων; Caesarea Maritimatik hurbil, ca. 313 - Jerusalem, 386) Jerusalemgo patriarka eta Elizako doktorea izan zen. Kristau-ikasbideak idatzi zituen, eta Jerusalemgo katekumenoen erlijio-heziketaren arduraduna izan zen. 350. urte inguruan, Jerusalemgo apezpiku izendatu zuten, eta, harrezkero, hiru bat aldiz joan behar izan zuen erbestera (357, 360, 367), eta 378. urtera arte ez zuen, berriz, apezpikutza iritsi. Konstantinoplako Kontzilioan parte hartu zuen, eta bertan Nizeako fedea babestu zuen.
Haren eguna, martxoaren 18an ospatzen da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q298654
Multimedia: Cyril of Jerusalem / Q298654