Zurbao (Arratzua-Ubarrundia)

Zurbao
Arratzua-Ubarrundia, Euskal Herria
Salburuako urmaela eta Zurbaoko eliza
Kokapena
Herrialdea	Euskal Herria
Probintzia	Araba
Udalerria	Arratzua-Ubarrundia
Koordenatuak	42° 52′ 00″ N, 2° 37′ 00″ W
Zurbao Zurbao
Demografia
Biztanleria	153

Zurbao (ofizialki Zurbano / Zurbao) Zuia-Gorbeialdea eskualdean dagoen Arratzua-Ubarrundia udalerriko herrietako bat da. Arratzuko ermandade zaharraren barruan legoke.

Bertan, azienda-azoka antolatu izan dute urteetan. Gasteiztik ondoan dago eta A-1 autobideak bertara ailegatzeko irteera bat du.

Historikoki Gasteiz inguruko herri nagusienetariko bat izanda ere, 2002an 153 biztanle besterik ez zituen.

Herriko jaiak irailaren lehenengo asteburuan ospatzen dituzte, San Estebanen omenez.

Buesa Arena

1990eko hamarkadaren hasieran, Gasteiztik herri honetarako bidean eraiki zuten Fernando Buesa Arena kirol instalazioa, Saski Baskonia taldeak jokaleku duena.

Ondasun nabarmenak

• Otazu jauregia, XVII. mendeko jauregi barrokoa.
• Otalora-Gebara jauregia, XVII. mendekoa ere.
• Zurbao jauregia, 1621ean eraikia.

Zurbaotar ezagunak

• Juan Sánchez Zurbano: Joan II.a Aragoikoaren aholkularia 1447 urtean. Gaztelarekiko negoziazioetan Aragoiko Koroaren enbaxadorea.
• Jose Uriarte: Filipe V.a Espainiakoaren aholkularia.
• JUan Antonio de Otalora Gebara: Done Jakueren Ordenako zalduna eta Salamancako Unibertsitatean katedraduna.

Bibliografia

• Alava, pueblo a pueblo. Jose Luis Sáenz de Ugarte (1983). Caja Provincial de Álava - Arabako Kutxa

Ikus, gainera

Wikimedia Commonsen badira fitxategi gehiago, gai hau dutenak: Zurbao (Arratzua-Ubarrundia)

Artikulu hau Arabako geografiari buruzko zirriborroa da. Wikipedia lagun dezakezu edukia osatuz.