Aostako Harana

Aostako Harana
Administrazioa
Estatua	Italia
Hiriburua	Aosta
Probintziak	Ez
Udalerriak	74
Geografia
Koordenatuak	45°43′N 7°22′E
Azalera	3.262 km²
Demografia
Biztanleria	119.548 biztanle (2005)
Dentsitatea	37 bizt/km²
www.regione.vda.it

Aostako Harana (Valle d'Aosta italieraz, Vallée d'Aoste frantsesez eta Vâl d'Aoûta frankoproventzeraz) Italiako eskualdea da, ipar-mendebaldean dagoena.

Hiriburua Aosta bera da.

Mugakideak

Iparraldean, Valais Kantoia (Suitza), hegoaldean eta ekialdean, Piemonte, eta mendebaldean, Savoia Garaia eta Savoia (Frantzia) mugakide ditu.

Orografia

Dora Baltea ibaiak zeharkatua, 4.000 metrotik gorako gailurrek (Mont Blanc, Cervino, Monte Rosa…) inguratzen duten lurralde menditsua da. Komunikazio gune guztiz garrantzitsua, bertan egituratzen baitira Alpe arteko bide nagusiak (Mont Blanceko tunela, San Bernardo Handiko eta Txikiko mendateak). Courmayeur udalerria Mont Blancera igotzeko abiapuntu ohikoa da.

Ekonomia

Goi mendietako larre ugarietan behi azienda hazten da; behe lurretan, berriz, laboreak, fruitu arbolak eta mahastiak lantzen dira. Ekoizpen hidroelektrikoa garrantzitsua da (20.000 kW/o.). Burdingintza (Cogne), kimika industria (Châtillon, Saint-Marcel) eta ehungintza jorratzen dira: betiere, ekonomia jarduera nagusia industria da.

Historia

Aosta Harana Frantziaren esku egon zen 1800-1814 urteen artean. 1948tik, Italiako lurralde autonomoa da.

Banaketa administratiboa

Probintziak

Italiako beste eskualdeak ez bezala, Aostako Harana ez dago probintziatan banatuta.

Udalerriak

Artikulu nagusia: «Aosta Haraneko udalerrien zerrenda»

Aosta Haranean 74 udalerri daude. Handiena Aosta hiria da, 34.270 biztanlerekin. Hurrengoa Châtillon da, 4.846 biztanlerekin.

Hizkuntzak

• Italiera
• Frantsesa
• Frankoproventzera

Kanpo estekak

• (Italieraz) Webgune ofiziala

• Datuak: Q1222
• Multimedia: Aosta Valley / Q1222