Agoizko armarria

Armarriko egungo itxura

Agoizko armarria Nafarroa Garaiko Agoitz hiriko armarri ofiziala da.

Historia

Armarria 1479ko ekainaren 22koa da, eta Katalina eta Joanes Albretekoa erregeek eman zioten. Honela dio dokumentuak:

«Maddalen printzesak, Frantzisko Febo haur erregearen ama eta tutoreak, Agoizko udal dermioan bildu zituen buruzagi agaramondar eta beaumondar nagusiak. Printzesa bertan zela, lurrean sartu zituzten euren ezpatak, bakearen adierazgarri. Esaten da gertakari hau San Roman baselizaren ondoan izan zela. Bakearen sinatzaileak izan ziren, Nafarroako Pedro markesa agaramontarren aldetik, eta Luis Beaumont Leringo Kondea, beaumondarren aldetik»

Banaketa

1977n argitaratutako Zangozako merindadeko Udal armagintzaren bere liburuan, Jesus Otazuk honela deskribatzen du hiriaren armarria:

«

Hondo gorri batez eta aurrean bi zilarrezko ezpatez osatuta dago, urrezko helduleku eta gurutzetekin, eta horien artean urrezko koroa bat.

»

Deskribapen hau oraindik ere baliozkoa da, hiriko armarria zati hauek osatzen baitute:

• Hondo gorria: gorriak ahul eta menpekoekiko pertsona ospetsu eta agintarien babesa eta laguntza islatzen du.
• Bi ezpata: agaramondarren eta beaumondarren ezpatak irudikatzen.
• Koroa bat: bien arteko ituna Nafarroako erregeen esku-hartzeari esker egin zela sinbolizatzen du.

Beste bertsioak

• 
  Udalako estilokoa
• 
  Agoitz familiakoa
• 
  Agoitz-Iruña familiakoa

Erreferentziak

• Otazu Ripa, Jesús Lorenzo. (D.L. 1977). Heraldica municipal, merindad de Sangüesa (I) : Abaurrea-Izalzu. Diputación Foral de Navarra, Dirección de Turismo, Bibliotecas y Cultura Popular ISBN 84-235-0076-4. PMC 911388951. (Noiz kontsultatua: 2021-08-31).
• «Armarria» Agoizko Udala (Noiz kontsultatua: 2021-12-17).

Ikus, gainera

• Agoitz

Kanpo estekak

• Datuak: Q110162463