Anna-Maria Osipow
| Anna-Maria Osipow | |
|---|---|
| Bizitza | |
| Jaiotzako izen-deiturak | Anna-Maria Ruija Sätene Virtasalo |
| Jaiotza | Sortavala, 1935eko uztailaren 25a |
| Herrialdea |  Finlandia |
| Heriotza | Järvenpää (en)  , 2024ko apirilaren 14a (88 urte) |
| Familia | |
| Ezkontidea(k) | Paul Osipow (en) |
| Jarduerak | |
| Jarduerak | eskultorea eta zeramikaria |
Anna-Maria Ruija Sätene Osipow, jaiotzez Virtasalo, (Sortavala, 1935eko uztailaren 25a[1][2] – Järvenpää, 2024ko apirilaren 14a[3]) finlandiar eskultore eta zeramikaria izan zen[4].
Bizitza[aldatu | aldatu iturburu kodea]
Kalervo Virtasalo eta Maire Kaarina Hämäläinenen alaba[1], Anna-Maria Virtasalo 1935ean jaio zen. Zeramikagintza ikasi zuen Arte eta Eskulangintza Eskolan Elsa Eleniusen zuzendaritzapean, eta 1955ean edo 1956an arte aplikatuetako ikastaroa burutu zuen[4]. Parisko M. Barriersen zeramika estudioan ere ikasi zuen[2]. 1962an tailer pertsonala izan zuen, eta 1967az geroztik nazioarteko erakusketetan parte hartu zuen. Artista gisa, Osipowek obra abstraktuak zein irudikapenezkoak sortu zituen, baina askotan azken horiek gehiegizkoak eginez edo, adibidez, objektuak humanizatuz. Lan batzuk surrealistatzat har daitezke. Toki publikoetarako ere sortu zituen zeramikazko artelanak. Lehen zeramikazko erliebe publikoa 1978an egin zuen Kerava hirirako, eta 1984an Elämän virta izeneko lana sortu zuen Helsinkiko Vartiokylä auzoko San Mateo elizarako[4][2].
1968an hirugarren saria irabazi zuen Helsinkiko erliebe lehiaketan, eta 1975ean lehen saria Lahtiko Bienalean. 1986an gobernuak 15 urteko diru-laguntza eman zion[1]. 2005ean Finlandiako Arte Elkartearen saria jaso zuen. Finlandiako Eskultoreen Elkarteko ohorezko kidea ere izan zen[5].
1961ean Paul Osipow artistarekin ezkondu zen, baina 21 urteren ostean dibortziatu zen[5].
2024ko apirilaren 14an hil zen Järvenpään, 88 urte zituela[3].
Erreferentziak[aldatu | aldatu iturburu kodea]
- ↑ a b c (Finlandieraz) Hämäläinen, Irja; Rantala, Risto; Hollmén, Hannakatri. (1994). «Osipow, Anna-Maria» Kuka kukin on. Who's who in Finland. Henkilötietoja nykypolven suomalaisista 1994. Helsinki: Otava, 672 or. ISBN 951-1-12833-7..
- ↑ a b c (Suedieraz) Bonsdorff, Bengt von. «Osipow, Anna-Maria» Uppslagsverket Finland (Noiz kontsultatua: 2024-05-22).
- ↑ a b (Finlandieraz) «Anna-Maria Osipowin kuolinilmoitus» Helsingin Sanomat: B26. 2024-05-12.
- ↑ a b c (Finlandieraz) Ilvas, Juha. (1989). «Anna-Maria Osipow» Kansallistaidetta. Suomalaista taidetta Kansallis-Osake-Pankin kokoelmissa. Helsinki: Kansallis-Osake-Pankki, 352-353 or. ISBN 951-889-000-5..
- ↑ a b (Finlandieraz) «Anna-Maria Osipowin mukaan hyviin juhliin tarvitaan vain pari mummoa, jotka ovat hyviä avaamaan samppanjapulloja» HS 2015-07-25 (Noiz kontsultatua: 2016-07-05).
Kanpo estekak[aldatu | aldatu iturburu kodea]
Datuak: Q25454463