Begoña (auzoa)

Begoña
	Euskal Herria
	Begoñako basilika ondoko parketik ikusia.
Kokapena
Herrialdea	Bizkaia
Udalerria	Begoña
Administrazioa
Posta kodea
Auzotarra	begoñatar
Geografia
Koordenatuak	43°15′31″N 2°54′50″W / 43.25861°N 2.91389°W
Azalera	0,20 km²
Garaiera	65
Demografia
Dentsitatea	28.595 bizt/km²

Begoña Bilboko auzoa da, laugarren barrutian kokatuta dago, Begoñako barrutian alegia.

Auzoak hiriko gune ezagun asko biltzen ditu, Begoñako basilika eta Dolaretxe esaterako. Zumalakarregi etorbideak bitan banatzen du auzoa, ekialdean Begoñalde taldea, eta mendebaldean Pedro Cortes Taldea aurkitzen direlarik.

Auzoak 5.719 biztanle zituen 2006an eta 19,56 hektareako azalera.

1925ra arte Bizkaiko udalerria izan zen orduko Begoñako Errepublikan 2020ko hiru barruti hauek sartzen ziren: Uribarriko barrutia, Otxarkoaga-Txurdinagako barrutia eta oraingo Begoñako barrutia. Beraz, Begoña auzo hau, Begoñako barrutian dago eta hau Begoñako Errepublikako zati bat zen 1924an.

Etimologia[aldatu | aldatu iturburu kodea]

Lujua barrutian «Vecunienses hoc munierunt (Vecuniarrek hau egin zuten)» dioen inskripzioaren berri eman zuen Gabriel Henaok XVII. mendean. Vecunienses erromatar garaiko herritar-izen hori, Vecunia izeneko herri edo hiri bateko biztanleei zegokien eta Vecunia izan hori, mende batzuk geroago Begoña izena bilakatu bide zen. Emil Hübnerrrek inskripzio faltsutzat eman zuen arren Mikel Unzueta eta Fernando Fernández Palacios arkeologoek, 2003an plazaratutako lan batean, egungo "Begoña" "Vecunia" toponimotik etor daitekeela defendatu zuten. Inskripzioa benetakoa izan zela argudiatu izan dute eta Vecunia izena zelta hizkuntza batekin lotu zuten.Izen hori Loiu inguruan zegoen harritzar batean jasota omen zegoen. Ez dago garbi Vecunia horren mugak non zeuden baina, antza, Loiuraino ailegatzen zen bi ikerlari horien esanetan^[1] .

Euskara oinarri hartuta, Begoña izenean "beheko muinoa" edo "behe muino" irakurri izan dute beste ikerlari batzuek, Juan Ramón Iturriza, Andres Eliseo Mañarikua, besteak beste^[2].

Kale garrantzitsuenak[aldatu | aldatu iturburu kodea]

Pedro Cortes Taldea
Lezamako trenbide Zaharra
Zumalakarregi etorbidea

Iruditegia[aldatu | aldatu iturburu kodea]

Zumalakarregi etorbidearen ikuspegia.
Begoñako basilika.
Mallonako galtzada.

Ikus, gainera[aldatu | aldatu iturburu kodea]

Euskarazko Wikipedian bada atari bat, gai hau duena:
Bilbo

Erreferentziak[aldatu | aldatu iturburu kodea]

↑ Unzeta, Miguel eta Fernández, Fernando, 2003. Vecunienses hoc munierunt. Complutum, 2013,24 (1) lib.: 131-150 or.
↑ «LEHOINABARRA: EL SIGNIFICADO DE BEGOÑA Y EL FAKE VECUNIA» LEHOINABARRA (Noiz kontsultatua: 2024-05-12).

Kanpo estekak[aldatu | aldatu iturburu kodea]

Datuak: Q3813836
Multimedia: Category:Begoña (neighborhood) / Q3813836

[1] Unzeta, Miguel eta Fernández, Fernando, 2003. Vecunienses hoc munierunt. Complutum, 2013,24 (1) lib.: 131-150 or.

[2] «LEHOINABARRA: EL SIGNIFICADO DE BEGOÑA Y EL FAKE VECUNIA» LEHOINABARRA (Noiz kontsultatua: 2024-05-12).

[1]

[2]