Didier Daeninckx (Saint-Denis, 1949koapirilaren 27a) frantses idazlea da. Inprimatzaile-ikasketak egin zituen eta horretan jardun zuen, 1970eko hamarkadaren erdialdean informatizazioak iraultza ekarri zuen arte. Hogeita sei urterekin idatzi zuen lehen lana, baina ez zuen arrakastarik lortu, 1984an Meurtres pour mémoire lana argitaratu zuen arte. Lan horretan, Parisko aljeriarrek 1961ean egin zuten manifestazio baketsuaren kontrako bortizkeria gogorarazten du. Kazetaritzako inkestaren eta ikerkuntza-nobelaren arteko nahasketa egiten du bere lanetan. Beste lan batzuk: Le Géant inachevé (1984), Le Bourreau et son double (1986), Le Facteur fatal (1990), En marge (1994), Nazis dans le métro (1996), Mort au premier tour[ (1997), La Couleur du noir (1998), Banlieue nord (1999), Ceinture rouge (2001), Raconteur d'histoires (2003), Le crime de Sainte-Adresse (2004), Chut plus de bruit (2005), Histoire et faux-semblants (2007), La rumeur d'Aubervilliers (2009), À louer sans commission (2011).