Tietê (ibaia)
Appearance
![](http://upload.wikimedia.org/wikipedia/commons/thumb/6/68/Tieterivermap.png/220px-Tieterivermap.png)
![](http://upload.wikimedia.org/wikipedia/commons/thumb/6/62/R_Tiete2.jpg/220px-R_Tiete2.jpg)
Tietê Brasilgo hego-ekialdeko ibaia, Parana ibaiaren adarra, São Pauloko estatuan. 1.130 km luze da eta 70.990 km2-ko ibai-arroa hartzen du. Serra do Mar mendialdean du iturburua, São Pauloko hiriaren ekialdean, eta ipar-mendebalerako norabidea hartzen du Ilha Granden Parana ibaiarekin bat egin arte, Urubupugnako ur-jauzietan. São Pauloko estatuko hiri garrantzitsu asko daude ibai ertzean. Ezin da ontziz ibili, ur-laster eta -jauzi ugari baitira ibilguan zehar.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.