Euskara: Diana honetan kolore egoteak dimentsio jakin bat asko landu dela adierazi nahi du eta kolorerik ez edo zuri dauden sektoreek, zerbait landu gabe geratu dela adierazi nahi du.

Komunikazio konpetentzia landu nahi duen irakasle batek berebiziko garrantzia eman nahi dio ahozko konpetentziei, horregatik angelu zabal-zabalak ezarri ditu, baina diana honekin idazlan bat egitea eta horixe ebaluatzea zen unitate didaktiko baten muina.

Idatzi baino lehenago ikasleek testu batzuk irakurri behar zituzten, gaian sartzeko eta ereduak izateko, eta idazten hasi baino lehenago, galderak egiteko aukera zabaldu da. Irakasle eta ikasle batzuen artean elkarrizketa egon da. Ikasle batek besteen aurrean hitz egin du eta bere iritzia bota du. Horrela, ikasle horrek jendaurreko diskurtsoa landu duela adierazteko erdialdeko kolore gorrixkak agertu dira 'Mintz jendaurrean' atalean, baina, egia esan, ikasle bakar batek landu du dimentsio hori, asko, eta besteek ezer ere ez. Beraz laranja kolore hori soberan.

Irakaslearen ustez, sortu den ‘irakaslea + zenbait ikasle’ elkarrizketa interesgarria izan da, eta irakurri beharreko ereduzko testuak eta kontsignak ez dituzte ikasle guztiek behar bezala irakurri, baina gehienek bai.