Euskara: SARSCoV2 koronabirusaren zelularne barneko ugalketa zikloa. Birusaren gaineztaduraren S glikoproteina zelularen hartzaile den ACE2-rekin (angiotentsina, angiotentsina I angiotemntsina 1-9 nonapeptidora edo angiotentsina II angiotentsina 1-7  katalizatzen duen mintz plasmatikoaren proteina bat)  lotzen da eta birusa endokitosiaren bidez zelula barrura sartzen da. Behin endosoman, lisosomen fusioaren bidezko pH-aren jaitsiera gertatzen da, eta honek endosomaren mintzaren eta birusaren estalkiaren arteko fusioa sustatzen du, nukleokapsida zitoplasmara askatuz. Zelularen proteasak  kapsida degradatzen dute eta birusaren genoma zitoplasman aske geratzen da. Ondoren, genoma zentzu positiboko RNA izanik, zelularen makineriak RNA zuzenean poliproteinetara itzultzen du eta erreplikazio-transkripzio konplexua eratzen da. Beranduago, zentzu negatiboko eta kate bakarreko RNA pre-genomiko osagarria sintetizatzen da, zentzu positiboko genoma birikoa sintetizatzeko eredua izango dena. Gainera, erreplikazio-transkripzio konplexu horrek zentzu positiboa duten eta txikiagoak diren hainbat RNA azpigenomikoren sintetizatuko ditu. Hauek birus-proteinetan itzuliko dira. Prozesu osoa zelularen zitoplasman gertatuko da. Egiturazko proteinak sintetizatzen joango dira eta erretikulu endoplasmatikoaren mintzean adieraziko dira. Bertan, birusaren estalkia mihiztatuko da, izan ere, erretikulu endoplasmatikoren mintzetik eratortzen da. Partikula birikoak, zelularen besikula garraio sistemaren bidez bidaiatuko du gainazalera golgi aparatua bitartekari duela. Partikula birikoak zelula utziko du exokitosiaren bitartez. Heltze fasearen amaieran non birusaren proteasek parte hartzen duten, osagai guztiak elkartuko dira, birusa kutsagarria izango da eta ziklo berri bat hasteko prest egongo da.

Referencia: SARS and MERS: recent insights into emerging coronaviruses. de Wit E, van Doremalen N, Falzarano D, Munster VJ. Nat Rev Microbiol. 2016 Aug;14(8):523-34. doi: 10.1038/nrmicro.2016.81.

https://www.nature.com/articles/nrmicro.2016.81#MOESM6