Robert Grosseteste

Robert Grosseteste (Suffolk, c. 1175 - Buckden, Huntingdonshire, 1253ko urriaren 9a) teologo, naturalista, klasiko grekoen itzultzaile eta filosofoa izan zen, frantziskotarra. Bere bizitzari buruz ezer gutxi da ezaguna 1225 urtera arte. 1220ko hamarkadaren bukaeran Oxfordeko irakasle izan zen, eta ikasketagune bihurtu zuen hiria. Lincolngo apezpiku izendatu zuten 1235 urtean. Henrike III.ari kontra egin zion, hark elizan gehiegi agintzen zuelako. Agustin Hiponakoaren eragin nabarnema, eta bide batez neoplatonismoarena, jaso zituen. Hala ere, aristotelismoaren asimilazio partziala ere egin zuen eta Estagiritaren lan batzuk ere itzuli eta iruzkindu zituen. Lan batzuk idatzi zituen optikari, ortzadarrei, eguzkiari eta unibertsoaren izaera esferikoari buruz. Bere filosofia lan luze bakarra De libero arbitrio da, non erabakimen askeari buruz idatzi zuen, baina egiari, gorputz eta arimari, kausazioari eta potentzia eta aktuari buruz ere idatzi zuen.

Erreferentziak

• Datuak: Q256541
• Multimedia: Robert Grosseteste / Q256541