Amaranta Gómez Regalado ikastetxea
Amaranta Gómez Regalado ikastetxea | |
---|---|
Datuak | |
Mota | eskola |
Herrialdea | Txile |
Historia | |
Sorrera | 2018ko apirila |
Amaranta Gómez Regalado ikastetxea edo Amaranta ikastetxea 6 eta 17 urte bitarteko ikasle transgeneroentzako Santiagoko ikastetxe pribatua da. Amaranta Gómez Regalado gizarte-antropologo eta ekintzaile mexikarraren izena du. Pertsona transgeneroentzako lehen ikastetxea da Latinoamerikan[1], baliteke mundu osoan ere bai[2].
2017ko abenduan sortu zen ikastetxe bat irekitzeko ideia[3]. 2018ko apirilean ireki zuten Ximena Matura koordinatzaileak eta Evelyn Silva Selenna Fundazio-ko presidenteak[1] Ñuñoa komunan[4]. 2019ko maiatzean, 38 ikasle zeuden ikastetxean, horietatik 22 edo 23 pertsona transak ziren eta gainerakoak haien lagunak edo senideak[2]. Aurretik, ikasle askok jazarpena jasan zuten[4][5] eta gehienek eskola utzi zuten[2]. Estatuak finantzatutako ikastetxeetan «genero ideologia» irakastea edo eztabaidatzea debekatuta dago Txilen, baina herrialdeak genero-identitatearen legea onartu zuen, 14 urtetik gorakoei nortasun dokumentuetan generoa aldatzeko aukera ematen diena (18 urtetik beherakoentzat gurasoen baimenarekin)[1].
Bi gela ditu ikastetxeak, bata 12 urtetik beherakoentzat eta bestea 12 eta 17 urte bitartekoentzat[2]. 2019an hasitako udako programak 20 partaide izan zituen[3]. Ikasleek Hezkuntza Ministerioak emandako probak egin behar dituzte gainditutako maila egiaztatzeko[6].
Erreferentziak[aldatu | aldatu iturburu kodea]
- ↑ a b c (Ingelesez) Jenner, Frances. (2019). «Chile is the home to Latin America’s first transgender school» Chile Herald.
- ↑ a b c d (Ingelesez) Mohan, Megha; Eldin, Yousef. (2019). «Inside Chile's Amaranta school for transgender children» BBC News.
- ↑ a b (Gaztelaniaz) «Amaranta Gómez, la primera escuela transgénero de Chile» Notimérica.
- ↑ a b (Ingelesez) «Latin America's first transgender school helps kids cope with bullying, discrimination» NBC News.
- ↑ (Ingelesez) Montalbano, Mara. (2019). «Transgender Students Find Safe Haven From Bullying at School in Chile» Inside Edition.
- ↑ (Ingelesez) «Chilean children find hope at Latin America’s first transgender school» The Santiago Times.