Etxauriko haitzak
| Etxauriko haitzak | |
|---|---|
| Datu orokorrak | |
| Garaiera | 1.138 m |
| Mota | mendi |
| Geografia | |
 | |
| Koordenatuak | 42°48′04″N 1°50′46″W / 42.801°N 1.846°W |
| Herrialdea |  Euskal Herria |
| Foru erkidego |  Nafarroa Garaia |
Etxauriko haitzak, Nafarroa probintzian topa dezakegun euskal mendia da. Nafarroako mendebaldeko mendi estimatuenetako bat dugu hau, bai mendizale eta bai eskalatzaileen artean, bere Hegoaldeko eta Mendebaldeko amildegi ikusgarriak direla eta. IEko isurialdea sastrakaz jositako hegi luze bat baino ez da, baina Hegoaldean eskalatzaile askoren arreta erakarri duen karaitzezko horma luze bat dauka, errepidea urruti ez duena. Hori dela eta eskalatzaile asko ibiltzen da inguru horretan. Oinezko mendizaleentzat horma hori gainditzeko aukerak urriak dira, baina bada bide egoki bat Ziritza parean zailtasun handirik gabekoa, Ekialdeko bizkarreraino igotzen lagunduko gaituena. Beste aukera bat Santa Luzia ermita dagoen lepotik edo Muniain aldetik abiatzea da, basoan barrena, arrasto nabarmenak jarraituz.