Hengameh Golestan
Hengameh Golestan | |
---|---|
Bizitza | |
Jaiotza | Teheran, 1952 (71/72 urte) |
Herrialdea | Iran |
Familia | |
Ezkontidea(k) | Kaveh Golestan (en) |
Seme-alabak | ikusi
|
Jarduerak | |
Jarduerak | argazkilaria |
Hengameh Golestan (Teheran, 1952) irandar argazkilari konprometitua da.
Irango emakume argazkilari aitzindaritzat hartzen da, eta, gaur egun, Irango Iraultzako irudiengatik da ezaguna.
Biografia[aldatu | aldatu iturburu kodea]
1952an jaio zen Iranen, Teheranen, eta han hasi zen argazkiak egiten, 18 urte zituenetik aurrera.[1][1] Une hartan, emakume argazkilari gutxi zeuden Iranen. Argazkilaritza ez zen benetako lanbidetzat hartzen, eta emakumeentzat gauza “arraroa” zela uste zen.[2]
Kaveh Golestan bere senar fotokazetariaren ondoan, Hengameh Golestan, formatu zen eta haren laguntzaile-lanetan jardun zuen gehienbat; 1975ean ezkondu zen harekin.[3][4]
1988an, London College of Printing-en ere ikasi zuen argazkilaritza.[5] 1970az geroztik, Teherango eguneroko bizitzari argazkiak ateratzen hasi zen, emakumeak eta haurrak gai nagusitzat hartuta, gizartean ikusgarritasun gutxien zuten kategoriak baitziren.
1979an, 27 urte zituela, Irango Iraultza piztu zen, eta haren lanak gizarte-mugimendu horien argazkigintza dokumentala hartu zuen ardatz.
1979ko gertaeren argazkiak batez ere emakumeen erreakzioetan oinarritzen dira. 1979ko martxoaren 8an, Emakumearen Eskubideen Nazioarteko Egunean, eta Gobernu islamiar berriak hijab-a derrigorrezkoa zela erabaki ondoren, Teheranen bildutako ehun mila emakume baino gehiagoren protesta dokumentatu zuen.[6]
Lanbide eta gizarte-klase guztietako emakume-taldeei atera zizkien argazkiak, Teherango kaleetan zehar burua estali gabe eta ukabila altxatuta kalean desfilatzen.[7] Garai hartakoa da "Witness 1979" bilduma, bere lan enblematikoa.[6] Garai iraultzaile hura “bere bizitzako unerik onena” izan zela esan zuen.[1]
1980an, Iran eta Iraken arteko gerra-fronteko lerroetara joateko baimenik izan ez zuenez, Kurdistango eta beste landa-eremu batzuetako herrietako bizitzari buruzko argazkigintza dokumentalera jo zuen.[8]
1984an, Londresera joan zen, eta han bizi izan zen hogei bat urtez The Showroom galeriatik gertu, Edgware Roadetik gertu, senarrarekin eta Mehrak Golestan[1] semearekin. Hengameh Golestan 1995ean hasi zen bere argazki-lanak nazioartean erakusten: Iranen, Alemanian, Turkian, Frantzian, Erresuma Batuan eta Sirian egon da ikusgai. Irango emakume argazkilari aitzindaria da Hengameh Golestan.[9][5]
Erakusketak[aldatu | aldatu iturburu kodea]
Besteak beste, erakusketa hauexek egin ditu:
- Frantzia: Paris Photo 2013[7]
- Ingalaterra: “Hengameh Golestan: Witness 1979”, The Showroom, 2015eko irailaren 4tik 27ra, Londres[7],[10]
Erreferentziak[aldatu | aldatu iturburu kodea]
- ↑ a b c d Davis, Lucy. (10 September 2015). Witness to revolution: the women of Iran 1979. .
- ↑ Duygu, Yildiz. (5 December 2017). Hengameh Golestan: photographing women in Tehran, 1979. .
- ↑ Roth, Andrew. (4 April 2003). Kaveh Golestan, Prizewinning photojournalist documented the Iranian revolution. .
- ↑ Sisyphe - Iran - Le dernier jour où les femmes ont pu se promener tête nue. .
- ↑ a b Hengameh Golestan. .
- ↑ a b Hengameh Golestan’s best photograph: Iranian women rebel against the 1979 hijab law. 2015-09-03.
- ↑ a b c Hengameh Golestan: Witness 1979. .
- ↑ My Iran: Six Women Photographers, Hengameh Golestan. .
- ↑ 'My Iran' Spotlights 6 Women Photographers Telling the Story of Their Country. 2020-01-30.
- ↑ Photographie : femmes iraniennes contre le port du voile en 1979. 2015-09-24.