Ryan Cochran-Siegle

Ryan Cochran-Siegle
	; Irudi gehiago
Bizitza
Jaiotza	Burlington, 1992ko martxoaren 27a (32 urte)
Herrialdea	Ameriketako Estatu Batuak
Familia
Ama	Barbara Cochran
Jarduerak
Jarduerak	eskiatzaile alpinoa
	Parte-hartzailea 2018ko Neguko Olinpiar Jokoak ;
Pisua	86 kilogramo
Altuera	186 zentimetro

Ryan Cochran-Siegle, RCS goitizenaz ere ezaguna, (Burlington, Vermont, 1992ko martxoaren 27a)^[1]. Ameriketako Estatu Batuetako Munduko Kopako eski alpinoko lasterkaria eta Cochrans eskiatzaile familiako kide da^[2] Cochran-Siegle eslalom erraldoian eta Super G-n espezializatuta dago, eta, jaitsieran eta konbinatuan ere, lasterketak egiten ditu. 2011ko azaroaren 26an egin zuen debuta Munduko Kopan. Neguko Olinpiar Jokoetan, 2018an debutatu zuen, eta 2022an, Super Gn zilarrezko domina irabazi zuen Neguko Olinpiar Jokoetan.

Ibilbidea[aldatu | aldatu iturburu kodea]

Cochran-Sieglek bi urte zituela ikasi zuen eskiatzen; bere amak, Barbara Cochranek, (1972ko Neguko Olinpiar Jokoetan, urrezko domina eslalomean, Sapporon, Japonia) irakatsi zion. 2010eko denboraldiaren ostean, AEBko Garapen Taldean sartu, eta, urtebete geroago, B Selekzio Nazionalera igo zen. Nor-Am Kopako Super Gko txapelduna izan zen 2011n, eta brontzezko domina lortu zuen AEBko txapelketa nazionaletan, Super Gn^[3]. Cochran-Sieglek 2011ko azaroan egin zuen debuta Munduko Kopan, Lake Louiseko jaitsieran, baina ez zuen amaitu^[4]. Astebete geroago, Coloradon, Munduko Kopako lehen puntuak lortu zituen Super G batean Beaver Creek-en, 29. postuan amaituz^[5].

2012an, Cochran-Sieglek Nor-Am jaitsiera eta Super G tituluak irabazi zituen, eta urrezko bi domina ere irabazi zituen Juniorren Munduko Txapelketan, jaitsieran eta konbinatuan. Hala ere, bere aurrerapena eten egin zen 2013an, aurreko lotailu gurutzatuan eta erdiko lotailu albokidean lesioak jasan zituenean Munduko Txapelketako konbinatuaren jaitsiera zatian. 2014ko denboraldian itzuli zen lehiara, Nor-Am Kopa orokorra irabaziz; bigarren izan zen jaitsierako sailkapenean, eta hirugarren, Super Gn eta eslalom erraldoian.

Cochran-Sieglek 2015eko denboraldia hartu zuen alboko menisko transplante batetik errekuperatzeko; gero, 2016ko denboraldian itzuli zen, Munduko Kopan eslalom erraldoian debuta egin zuenean eta GSn Munduko Kopako lehen puntua lortu zuenean Kranjska Goran 30. postuarekin. Emaitza onekin amaitu zuen denboraldia Idahoko Sun Valleyko txapelketa nazionaletan, non txapeldunorde izan zen Super G eta eslalom erraldoian eta laugarren konbinatuan. 2018an, Cochran-Siegle AEBko Olinpiar taldeko kide izan, eta lau probatan lehiatu zen; bere emaitzarik onena, hamaikagarrena izan zen eslalom erraldoian^[6].

Munduko Kopako emaitzak[aldatu | aldatu iturburu kodea]

Denboraldia	Adina	Orokorrean	Eslaloma	Eslalom erraldoia	Super G	Jaitsiera	Konbinatua
2012	19	131	—	—	53	—	—
2013	20	106	—	—	41	52	27
2014	21	0 puntu
2015	22	Min hartuta: denboraldirako baja
2016	23	163	—	58	—	—	—
2017	24	83	—	38	37	—	20
2018	25	75	—	33	—	—	16
2019	26	53	—	26	23	43	31
2020	27	20	—	20	20	14	10
2021	28	22	—	33	10	14	—
2022	29	15	—	56	10	10	—