Birmingham
Birmingham Europan, Erresuma Batuan, Ingalaterrako erdialdean dagoen hiri bat da. Londres eta gero, Ingalaterrako bigarren hiririk handiena da; 2017ko datuen arabera, hiriak 1,1 milioi biztanle ditu, baina, inguruko hiriguneak kontatuz, 4,3 milioi biztanle bizi dira haren metropoli-eremuan.
Iraganean, industriak eta meatzaritzak garrantzi handia izan zuen hiriko ekonomian. Gaur egun, berriz, zerbitzu alorrak du pisurik handiena, baina auto eta tren fabrikek ere leku handia dute hiriko ekonomian.