Jamaika
| 👨👨👦👦 Biztanleak 2.697.983 |
🔎 Azalera 10.991,90954 km² |
🏙️ Hiriburua Kingston |
📷 Argazkiak ikusi |
🗺️ |
Jamaika Karibe itsasoko irla eta estatu bat da.
Geografia[aldatu | aldatu iturburu kodea]
Uhartearen erdialdean mendiak daude, Blue Mountains.
Hiri garrantzitsu gehienak kostaldean daude.
Klima tropikala dauka. Eguraldia beroa eta hezea izaten da. Hala ere, mendietan tenperatura epelagoa izaten da.
Uda amaieran eta udazken hasieran urakanak egoten dira.
Demografia[aldatu | aldatu iturburu kodea]
2.731.832 biztanle ditu. Hiri nagusia Kingston da.
Historia[aldatu | aldatu iturburu kodea]
K.a. 4000 eta k.a. 1000 urteen artean tainoak heldu ziren irlara. Beraiek ipini zioten Xaymaca izena. "Basoen eta uraren lurraldea" esan nahi zuen arawak hizkuntzan.
1494an iritsi zen Kristobal Kolon, eta Jamaika Espainiarentzat konkistatu zuen. Tainoak desagertu egin ziren konkistaren ondorioz.
1655ean britaniarrek konkistatu zuten irla. Garai hartan azukre asko produzitzen zen irlan, eta lan egiteko Afrikako esklabo asko eraman zituzten. Esklabotza 1834an debekatu zuten.
1962an lortu zuen independentzia Jamaikak.
Kultura[aldatu | aldatu iturburu kodea]
Urte luzez britaniar kolonia izan zenez, Jamaikan ingelesa hitz egiten da.
Oso ezaguna da bertako Reggae musika. Estilo hau lantzen zuen musikari ezagunena Bob Marley izan zen.