Wikipedia:Bazenekien/2012
2012[aldatu iturburu kodea]
- ... Antigua eta Barbuda, Australia, Bahamak, Barbados, Belize, Kanada, Grenada, Salomon Uharteak, Zeelanda Berria, Papua Ginea Berria, Saint Kitts eta Nevis, Santa Luzia, Saint Vincent eta Grenadinak eta Tuvalu herrialdeak monarkia konstituzionalak direla eta guzti hauen berezko estatuburua Erresuma Batuko errege-erregina, hots, gaur egun Elisabet II.a Erresuma Batukoa dela ?
- ... Gernika margolana Espainiako Bigarren Errepublikaren gobernuaren enkarguz burutu zuela Pablo Picassok Parisko Nazioarteko Erakusketarako eta horrexegatik dela espainiar estatua margolanaren jabea?
- ... Antoni Gaudí tranbia batek harrapatuta jasandako zaurien ondorioz hil zela 1926 urtean eta tranbiak harrapatu ondoren ez zitzaiola berehalako sorospenik eman bere arropa zarpailtsuak direla eta arlote bat zela uste zutelako?
- ... hungariar eta suediar zientzialariek zebren marra zuri-beltzez osatutako azala eulientzat batere erakargarria ez dela eta bere helburua haiek usatzea dela deskubritu zutela?
- ... 1924an Alemaniako Bavaria estatuko Herzogenaurach udalerrian Rudolf eta Adolf Dassler anaiek Gebrüder Dassler Schuhfabrik izenez kirol oinetako lantegi bat ireki zutela, baina anaiak elkarren artean haserretu ondoren, 1946an Adolf Adi Dasslerrek Adidas kirol marka eta 1948an Rudolf Rudi Dasslerrek Ruda, ondoren Puma kirol marka sortu zituztela?
- ... XIX. mendearen amaieran Korronteen gerra delakoa jazo zela, eta bertan alde batetik Thomas Edison eta General Electric enpresa korronte zuzenaren alde, eta bestetik George Westinghouse, Nikola Tesla eta Westinghouse Electric enpresa korronte alternoaren alde lehiatu zirela? Eta General Electric enpresak korronte alternoaren ustezko arriskuak frogatzeko asmoz aulki elektrikoa asmatu eta jendaurrean (irudian) elefante, txakur eta katuak elektrokutatzera ailegatu zela?
- ... tuareg Saharako artzai herri nomada Afrikako Mali, Aljeria, Niger, Burkina Faso eta Libia herrialdeetan sakabanaturik bizi direla eta 1960 urtean matxinatu zela lehen aldiz eta egun borroka armatua jarraitzen dutela euren eskubideen alde herrialde horietako zenbaitetan?
- ... frankismo garaian disidentzia politikoaren aurka aritzeko berariaz eratutako erakunde poliziala zegoela, Brigada Político-Social izenekoa, eta Gipuzkoan horren buruzagia zen Melitón Manzanas ETA erakundeak hil zuela 1968 urtean?
- ... balea urdinaren zakilak bi metrotik gorako luzera izaten duela?
- ... Zumaiako flyscheko geruzek Lurraren historiako 50.000.000 urteren berri jasotzen dutela?
- ... 1971 urteko Mars 3 sobietarra izan zela Marten arrakastaz lurreratu zen lehenengo espazio-ontzia?
- ... 1889 urtean altxaturiko Eiffel dorreak 324 metroko garaiera duela eta 1930. urtean Chrysler Building etxe orratza eraiki arte munduko eraikin altuena izan zela?
- ... Espainiako soldadutza 2001ko martxoaren 9an geratu zela bertan behera?
- ... Euskal Herriko 1983ko uholdeetan, Larraskitun metro karratuko 506 litroko prezipitazioa jaso zela abuztuaren 26an eta erasandako lurraldean guztira 1500 milioi tona ur bota zuela zenbatetsi dela?
- ... EEBBetako Arizona estatuan kokatzen den Antilope Arroila herrialde horretako hego-mendebaldean dauden arroila estu guztietan turistek argazki gehien atera eta bisitatuena dela?
- ... Talgo trenak Alejandro Goikoetxea elorriotar ingeniariak diseinatuta eta José Luis Oriol bilbotar enpresaburuak finantziatuta sortu zirela?
- ... Norvegian Stavkirke izeneko aintzinako egurrezko elizak daudela eta denetan ikusgarriena Borgundeko Stavkirke deiturikoa dela?
- ... Adolf Hitler, historia guztiko genozidarik ezagunenetakoa, ez zela alemaniarra, austriarra baizik, eta Alemaniako mugatik hurbil dagoen Austriako Braunau am Inn udalerrian jaio zela?
- ... 2011an Japonian izandako lurrikara handia 1900 urtetik mundu osoan izandako bosgarren lurrikarra indartsuena izan zela eta, hala ere, oso hildako gutxi eragin zituela zuzenean eta biktima gehienak ondorengo tsunamiak eragin zituela?
- ... aski direla 23 pertsona horietatik bik gutxienez urtebetetze egun bera izateko probabilitatea %50etik gorakoa izateko?
- ... itsasora botatzen diren plastikoen parte handi bat behin eta berriz zatitu eta azkenean plankton tamainako partikula bilakatzen direnean, arrainek jan egiten dituztela eta itsasoko kate trofikoan sartzen direla, ekosistema arriskuan jarriz horrela?
- ... 1716 urtean Edmund Halley astronomoak Lurretik Eguzkira dagoen distantzia Venus planetaren Eguzkiaren aurreko igarotzea aztertuz neurtu zuela?