Britaniar Batailoia

Britaniar Batailoia
Mota	Batailoi
Sorrera	1937
Herrialdea	Erresuma Batua
Unitate nagusia	XV International Brigade (en)

Britaniar Batailoia (ofizialki Saklatava Batailoia ingelesez: British Battalion) Espainiako Bigarren Errepublikaren defentsan faxismoaren aurka Nazioarteko Brigaden barruan Erresuma Batuko boluntarioekin sortu zen armada gorputza izan zen.

Izena

Batailoiari Shapurji Saklatvalaren omenez eman zitzaion Saklatava izena. Saklatva (1874-1936) Erresuma Batuko Alderdi Komunistaren sortzailetako bat izan zen Komunen Ganberan ordezkari gisa aritu zen.

Historia

Nahiz eta lehen unetik Errepublikaren aldeko boluntarioak izan, 1937 arte ez zen unitate militar hau sortu. Lehen aurrez-aurre militar handia Jaramako guduan izan zen, 1937ko otsailean. Han, Tom Wintringham komandatearen agindupean, Batailoiak baxa asko pairatu zituen: 600 soldaduetatik 450 hilik edo zauriturik gertatu ziren. Urte bereko uztailean Vicente Rojo jeneral errepublikarrak unitatea Brunete aldera bidaltzea agindu zuen; horrekin Madrilek pairatzen zuen presioa arintzeko. Unitateak Bruneteko guduan hartu zuen parte. Ondoren ere, britainiarrak Teruelgon eta Ebroko guduan borrokatu zuten. 1938ko urrian Batailoia desegin zen.

Operazio guztietan, unitateak 490 hildako inguru izan zuen eta 1.200 zauritu larriak. Unitatean, gerra guztian, 2.000 boluntario izan ziren.

Ikus, gainera

• Nazioarteko Brigadak

Kanpo estekak

• (Ingelesez):Erresuma Batuko boluntarioei buruzko materiala.
• (Ingelesez):Richard Thorperen artikulua Batailoi honen historiari buruz.

• Datuak: Q2121289