Dolores Corella Piquer

Wikipedia, Entziklopedia askea
Dolores Corella Piquer

Bizitza
JaiotzaCastelló de la Plana, 1966 (57/58 urte)
Hezkuntza
HeziketaValentziako Unibertsitatea
Jarduerak
JarduerakPreventive Healthcare (en) Itzuli, genomicist (en) Itzuli eta epidemiologoa
Jasotako sariak

Dolores Corella Piquer (Castellón de la Plana, Valentzia, 1966) Espainiako zientzialari eta ikertzailea da, Farmazian doktorea eta Valentziako Unibertsitateko Medikuntza Prebentiboko eta Osasun Publikoko katedraduna. Aitzindaria da nutrizio-genomikari buruzko ikerketan.[1][2][3]

Biografia[aldatu | aldatu iturburu kodea]

Dolores Corella Castelló de la Planan jaio zen, eta lehen eta bigarren mailako ikasketak Ondan egin zituen; gero, 1989an Valentziako Unibertsitatean farmazian lizentziatu zen, lizentziaturako sari bereziarekin, eta Doktoretzako saari bereziarekin ere bai. Gainera, Elikagaien Zientzia eta Teknologian lizentziaduna da. Estatu Batuetan osatu zuen bere prestakuntza.[4]

Ibilbide profesionala[aldatu | aldatu iturburu kodea]

Espainian aitzindaria izan da genomika ikerketa epidemiologikoan integratzen, eta 1998an Valentziako Unibertsitateko Epidemiologia Genetiko Molekularreko lehen Ikerketa Unitatea sortu zuen. Unitate horren zuzendaria da. 2006az geroztik, CIBER Fisiopatología de la Obesitatea eta Nutrizioa taldearen zuzendaria da. 2009tik, Valentziako Unibertsitateko Medikuntza Fakultateko katedraduna da.[5]

1989an, ikertzaile biomedikoaren karrera egin zuen Valentziako Ikerketa Zitologikoen Institutuan, Santiago Grisolíak zuzenduta. Gaixotasun kardiometabolikoen prebentzioan aplikatutako genomika hartu zuen ardatz, eta gene-giro elkarreraginen azterketan espezializatu zen.[2][6] 2011tik, Unibertsitate Osasungarrien Espainiako Sareko koordinatzailea da Valentziako Unibertsitatean.[4]

Gaur egun, exposomika, fenomika, genomika, epigenomika, transkriptomika, metabolomika, bioinformatika eta beste omika batzuk integratzen ditu, bai gaixotasun kardiometabolikoen ikerketan, bai zahartze osasungarrian.[6]

Sariak[aldatu | aldatu iturburu kodea]

  • 2017: Gregorio Marañón Oroimenezko Saria, Errege Gastronomia Akademiako elikadurako zientzialari onenari.[7]
  • 2017: Nazioarteko Hipokrates Saria.[6]
  • 2018: Jaime I saria, Ikerketa Medikoaren atalean.[5]

Erreferentziak[aldatu | aldatu iturburu kodea]

  1. ↑ La catedràtica de la Universitat de València Dolores Corella, premi Jaume I d’Investigació Mèdica. .
  2. ↑ a b Dolores Corella. 2018.
  3. ↑ media, À Punt. VÍDEO | Premis Rei Jaume I: Dolores Corella Piquer. .
  4. ↑ a b Mercantil, ARRELSonline es Ateneo Cultural y. Dolores Corella Piquer, Seny Onder 2018. .
  5. ↑ a b La catedràtica de la Universitat de València Dolores Corella, premi Jaume I d’Investigació Mèdica. .
  6. ↑ a b c Corella, Dolores. .
  7. ↑ «Dolores Corella, la mejor científica en alimentación según la Real Academia de Gastronomía» www.ciberisciii.es.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Dolores_Corella_Piquer&oldid=8845531"(e)tik eskuratuta