Esther Hill
| Esther Hill | |
|---|---|
 | |
| Bizitza | |
| Jaiotza | Guelph (en)  , 1895eko maiatzaren 29a |
| Herrialdea |  Kanada |
| Heriotza | Victoria, 1985eko urtarrilaren 7a (89 urte) |
| Hezkuntza | |
| Heziketa | Torontoko Unibertsitatea |
| Jarduerak | |
| Jarduerak | arkitektoa |
Esther Marjorie Hill (Guelph, Ontario, Kanada, 1895eko maiatzaren 29a - Victoria, 1985eko urtarrilaren 7a) arkitekto kanadarra zen. 1920an, Torontoko Unibertsitatean arkitektura-diploma lortu zuen lehen emakumea izan zen.
Biografia[aldatu | aldatu iturburu kodea]
Gaztaroa eta prestakuntza[aldatu | aldatu iturburu kodea]
Esther Marjorie Hill Guelphen (Ontario) jaio zen. Albertako Unibertsitatean 1916an lizentziatura lortu ondoren, erakunde berean arkitektura-ikastaroak egiten hasi zen, harik eta programa ezabatu zuten arte. Torontoko Unibertsitatean ikasten jarraitu zuen. Mary Anne Kentner eta bera ziren Kanadako arkitektura-ikastaro batean onartu zituzen lehen ikasleak.
Esther Hill 1920an graduatu zen. Hala, arkitekturan unibertsitate-diploma jaso zuen Kanadako lehen emakumea izan zen, baina ezin izan zen Albertako Arkitektoen Elkartean afiliatu 1925 arte.
Ibilbidea[aldatu | aldatu iturburu kodea]
Ikasketen amaieran, ingurunearen misoginia dela eta, Esther Hillek Eaton kateko denda batean baino ez zuen aurkitu barru-arkitekto lana.[1] Azkenik, Edmontonera itzuli zen. 1920an eta 1921ean, artikulu batzuk idatzi zituen Agropecuural Alberta aldizkarian, etxeko arkitekturaren ikuspegi funtzionala deskribatuz, eta diseinuak ahalik eta argi natural handienaren artean egotea ahalbidetu behar duela sinetsita. Zailtasunak zailtasun, marrazkilari-lana aurkitu zuen McDonald and Magoon Architects-en, Edmontonen. 1922ko udazkenean hasi zen hirigintza-ikastaroak egiten Torontoko Unibertsitatean.
Gero, New Yorkera joan eta Columbiako Unibertsitatean ikasi zuen, Anna Pendleton Schenck, Marcia Mead eta Katharine Budd arkitektoekin. Kanadara itzultzean, beste eskaera bat aurkeztu zion Albertako Arkitektoen Elkarteari. 1925ean, Esther Hill arkitekto gisa erregistratutako lehen emakume kanadarra izan zen.
Depresio Handiaren garaian, Esther Hillek beste jarduera batzuk pentsatu zituen diru-sarrerak mantentzeko: irakaskuntza, ehuna, eskularruak eta zorion-txartelak egitea.[2] Hala, eskularrugile bihurtu zen, eta ehule gisa aitortua izan zen.[3] 1936an, Columbia Britainiarrera joan zen, eta han, Bigarren Mundu Gerraren ondoren, bere arkitektoen kabinetea sortu eta sukaldeak egiten espezializatu zen.[4] Ehuntzen segitu zuen, eta Victoria Handweavers' and Spinners' Guildekin bat egin. Lehen sariketa ere irabazi zuen, 1942an, Kanadako Erakusketa Nazionalean.
1945etik 1950era, Esther Hill izan zen Victoriako Hirigintza Batzordean parte hartu zuen lehen emakumea. Etxeak, elizak, eraikinak eta erretiro-etxeak diseinatzen zituen, 1963an erretiroa hartu arte.[4]
Bizitza pribatua[aldatu | aldatu iturburu kodea]
Esther Hillen aita, E. Lincoln Hill, Edmontoneko Liburutegi Publikoko irakasle eta liburuzaina zen, eta haren ama, Jennie Stork Hill, Torontoko Unibertsitatean ikasi zuten lehen hamar emakumeetako bat.[5]
Erreferentziak[aldatu | aldatu iturburu kodea]
- ↑ Esther Marjorie Hill. L'Encyclopédie canadienne..
- ↑ Charlotte Perriand, Esther Marjorie Hill, Signe Hornborg, Odile Decq et Zaha Hadid : zoom sur 5 femmes architectes. ..
- ↑ Susan Pedwell. Ontario’s First Female Architect. ..
- ↑ a b Canadian Women Artists History Initiative : Artist Database : Artists : HILL, (Esther) Marjorie. ..
- ↑ Susan Pedwell. Canada's First Female Architect. Université de Toronto..
Bibliografia[aldatu | aldatu iturburu kodea]
- (en) Women in Architecture Exhibits Committee, Constructing Careers : Profiles of Five Early Women Architects in British Columbia, Vancouver, Women in Architecture, 1996 (ISBN 0-9680834-0-4), p. 20.
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q5401199
Multimedia: Esther Hill / Q5401199