Julia Gutiérrez Caba

Julia Gutiérrez Caba
	; (2013) Irudi gehiago
Bizitza
Jaiotzako izen-deiturak	Julia Gutiérrez Caba
Jaiotza	Madril, 1928ko urriaren 20a (95 urte)
Herrialdea	Espainia
Familia
Aita	Emilio Gutiérrez Esteban
Ama	Irene Caba Alba
Ezkontidea(k)	Manuel Collado Álvarez (en) (1964 - 2009)
Anai-arrebak	ikusi Emilio Gutiérrez Caba; Irene Gutiérrez Caba;
Familia	ikusi Julia Caba Alba (en) (iloba);
Hezkuntza
Hizkuntzak	gaztelania
Jarduerak
Jarduerak	aktorea
Jasotako sariak	ikusi Arte Ederretako Merituaren Urrezko Domina (1994) ; Alfontso X.a Jakitunaren Ordenako Gurutze Handia (2016) ; Gold Medal of Work Merit (2006) ; Taldeko emakumezko aktorerik onenaren Goya Saria (2001) : You're the One; Premi Memorial Margarida Xirgu (1981) ;

Julia Gutiérrez Caba (Madril, 1934ko urriaren 20a) espainiar antzezlea da.

Biografia[aldatu | aldatu iturburu kodea]

Antzezle-familia bateko laugarren belaunaldia osatzen du, bere arreba Irene eta anaia Emiliorekin batera. Antzerkian, 1951n egin zuen debuta Mariquilla Terremoto obrarekin eta Catalina Bárcenaren konpainiarekin. Gero, Isabel Garcésen aginduetara jarri zen, Benaventeren Ha llegado Don Juan eta Calderónen La vida es sueño lanetan. 1960an, zineman lan egiten hasi zen, Juan Antonio Bardemen gidaritzapean: A las cinco de la tarde. Hurrengo urteetan egin zituen filmen artean, aipagarriak dira Usted puede ser un asesino (1960), Accidente 703 (1962), La gran familia (1962), La familia y uno más (1965), Las viudas (1966), Buenas noches (1969) eta beste asko. Telebistan 1962an egin zuen debuta, eta hilean bi saio grabatzera iritsi zen. Confidencias (1965), Mujeres insólitas (1997) saileko Joana Eroa, Buenas noches, señores (1972) eta abar egin zituen. 1994an, Arte Ederretako Merituaren Urrezko Domina jaso zuen, bere ahizpa Irenerekin batera, eta, 2000n, Taldeko Emakumezko Aktore Onenaren Goya saria, ''You're the One filmean egindako lanagatik.

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.