Léon Daudet
León Daudet (Paris, 1867ko azaroaren 16a - Saint-Rémy-de-Provence, 1942ko ekainaren 30a) kazetari eta idazle frantsesa izan zen, Alphonse Daudet idazlearen semea.
La Libre Parole eta, batez ere, L'Action française aldizkarietako lankidea izan zen. Diputatua izan zen 1919-1924 bitarteko urteetan. Bere eleberri pornografikoek arrakasta txikia izan bazuten ere, Daudet oso ospetsu bihurtu zen aipaturiko aldizkarietan idazten zituen politikari buruzko artikuluengatik.
Antisemita zen, eta sutsuki aldezten zituen integrismoaren ideiak. Atxilotu egin zuten 1927. urtean, zenbait artikulu iraingarri idazteagatik, eta espetxeratu egin zuten, baina Belgikara ihes egitea lortu zuen urte horretan bertan. Handik bi urtera, amnistia baten bitartez itzuli ahal izan zuen Frantziara. Obra nagusiak: Le stupide XIX siècle (1922, XIX. mende ergela); Charles Maurras et son temps (1928, Charles Maurras eta bere garaia); Ecrivains et artistes (1929, Idazle eta artistak); Quand vivait mon père (1940, Aita bizi zenean).
Erreferentziak[aldatu | aldatu iturburu kodea]
![]() |
Wikimedia Commonsen badira fitxategi gehiago, gai hau dutenak: Léon Daudet ![]() |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.